Muri hoteli yo mu Bwongereza, agakombe k’icyayi kagura asaga ibihumbi 180 Frw

Yanditswe na Iradukunda Serge
Kuya 17 Nyakanga 2019 saa 11:40
Yasuwe :
0 0

Mu gihe icyayi gifatwa na benshi nka kimwe mu byo kunywa bihendutse, muri Hotel yo mu mujyi wa Londres ho siko bimeze kuko agakombe kagura $200.

Hoteli ya The Rubens isanzwe izwiho kwakira abifite yatangiye kugurisha abayigana ubwoko bw’icyayi kizwi nka Golden Tips, aho agakombe kamwe kagura amadolari 200 (asaga ibihumbi 180 Frw).

Ibi biciro byatumye muri The Rubens haba aha mbere bagurisha icyayi gihenze mu Bwongereza.

Ubwo bwoko bw’icyayi buhingwa mu misozi ya Sri Lanka, aho gisoromwa n’abakozi b’abahanga kikanikwa ku bitambaro ku buryo ibyo bibabi biza gusigara bifite ibara rya zahabu.

Mu kugiteka nabwo hifashishwa abakozi babizobereye kandi hakifashishwa amazi meza atanyujijwe mu nganda.

Abagura iki cyayi muri The Rubens baba bitegeye ingoro y’ubwami bw’u Bwongereza dore ko byegeranye.

Benshi mu banywa iki cyayi babikora mu masaha y’igicamunsi, bakagifatana n’andi mafunguro ategurirwa abagana iyo hoteli muri ayo masaha.

Abakiliya b’iki cyayi kizwiho kugira impumuro nziza bagirwa inama yo kinywa cyonyine mbere yo kugisomesha ibindi nk’umugati, kugira ngo babanze bumve umwimerere wacyo.

Nubwo iki cyayi gihenze, CNN itangaza ko bitajya bibuza abifite kukigura.

Nubwo iki cyayi gihenze, CNN itangaza ko bitajya bibuza abifite kukigura.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza