Kwamamaza

Murekatete wabaga mu nzu y’ikirangarizwa yatangiye kugobokwa

Yanditswe kuya 27-09-2016 saa 11:36' na Thamimu Hakizimana


Murekatete Ziada, umubyeyi w’imyaka 40 uvuga ko abayeho mu buzima bwo kwizirika umukanda kubera ahanini ubupfakazi yatewe no kubura umugabo we wa mbere wamusigiye abana batanu ndetse n’uwa kabiri wamutaye amaze kumubyarira abana batatu b’impanga, yatangiye kugobokwa n’abagiraneza.

Murekatete yatangiye gufashwa na bamwe mu bagiraneza, nyuma y’uko IGIHE ikoze inkuru igaragaza uburyo amaze ibyumweru bitatu arara mu nzu y’ikirangarizwabitewe n’uko nyirayo yayikuyeho urugi kubera umwenda w’amafaranga ibihumbi 45 amufitiye.

Murekatete agorwa cyane no kubona, isabune, imyambaro ndetse n’ibyo agaburira abana be.

Kuwa Gatandatu tariki 24 Nzeri 2016 ni bwo, uyu mubyeyi yavuye mu kirangarizwa yari amaze iminsi abamo, nyuma y’uko umuryango Hope and Homes for Children umwishyuriye inzu amezi ane ikanamuha amafaranga yo gukoresha mu minsi mike.

Murekatete akimara guhabwa amafaranga ibihumbi 100, yahise ashimira Umuryango Hope and Homes for Children ngo kuko watumye yigarurira icyizere cyo kubaho.

Yagize ati “ Ndishimye cyane kandi cyane kuko nari naramaze kwiheba, ariko kuba aba bavandimwe bangobotse n’ibintu bihise bingarurira icyizere cyinshi cy’uko iminsi yo kubaho y’abana banjye nanjye yiyongereye.”

Murekatete yahise yimukira mu yindi nzu yarishye amezi ane anariha amadeni yari afiteye bamwe mu baturanyi be.

Uyu mubyeyi yanahawe ubufasha bw’amafaranga n’undi munyarwanda uba ku mugabane w’u Burayi witwa Hamisi Mulamba abinyujije ku bavandimwe be aho bamuguriyemo umufuka wa Kawunga, imifuka ibiri y’umuceri, ibiro 20 by’ibishyimbo na matela ebyiri n’ibindi bikoresho nkenerwa nk’amasafuriya n’amasahani n’imyenda y’abana ndetse anemera ko buri kwezi azajya amufasha.

Inshuti z'Umunyarwanda Hamisi Mulamba uba hanze zigiye gushyikiriza Murekatete inkunga yamwoherereje
Murekatete ari kuganira kuri telefone n'abagiraneza bifuza kumufasha
Umukozi w'Umuryango Hope and Homes for Children ashyikiriza Murekatete inkunga y'ibihumbi 100

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved