Kwamamaza

Muhima: Ahitwaga ‘de bandit’ hasigaye hitwa ‘de Jolie’

Yanditswe kuya 19-11-2016 saa 18:44' na Hakizimana Thamimu


Ubuyobozi bw’Umurenge wa Muhima mu Karere ka Nyarugenge butangaza ko agace kahoze ari indiri y’indaya, abajura n’abanywi b’ibiyobyabwenge kitwa ’de bandit’ kahinduye isura ndetse n’izina bitewe n’ingamba zafashwe n’ubuyobozi kitwa ’de jolie’.

De bandit ni agace gaherereye mu Kagari ka Tetero mu Murenge wa Muhima karangwagamo ubujura n’ubusinzi bukabije ndetse n’urugomo rwaterwaga n’indaya n’abajura benshi bari bagatuyemo, bigahungabanya umutekano cyane mu masaha y’ijoro, bitewe n’imiterere yaho ndetse n’imibereho y’abahatuye.

Ubuyobozi bw’inzego zibanze bwagerageje kurwanya ibi bikorwa bihungabanya umutekano hashyirwaho ingamba zitandukanye zo guhangana n’iki kibazo.

Kuri uyu wa Gatanu tariki ya 18 Ugushyingo 2016, ubuyobozi bw’Umurenge wa Muhima bwageneye abanyerondo bose bawukoreramo, ibikoresho birimo amakoti y’imvura n’amatoroshi bizabafasha mu kazi kabo ka buri munsi barushaho kubungabunga umutekano umaze kugerwaho.

Umunyamabanga Nshingwabikorwa w’Umurenge wa Muhima, Ruzima John, yabwiye IGIHE ko ’de bandit’ isigaye yitwa ’de jolie’ kubera ko nta mabandi n’indaya ndetse n’ibikorwa by’urugomo bikihagaragara nka mbere.

Yagize ati “Ubu izina rya ’de bandit’ ryabaye amateka. Kuri ubu hasigaye hitwa ’de jolie’ kuko nta ndaya n’abajura bakihagaragara kubera ko twahashyize inzu y’abanyerondo n’insengero ndetse n’isoko ry’abari abazunguzayi kugira ngo nibuze hahinduke naho harangwe umutekano usesuye.”

Umunyerondo witwa Mucyezamfura Samuel we avuga ko amakoti y’imvura n’amatoroshi bahawe azabafasha kurandura burundu ubujura muri uyu murenge.

Yagize ati “Bizadufasha byinshi kuko hari n’igihe imvura yagwaga tukajya kugama ibisambo bikaduca mu rihumye bikiba abaturage cyangwa se bigahungira ahantu hari umwijima hatabona tugatinya kubisangayo, ariko byose byakemutse.”

Uretse aba banyerondo bishimiye ibikoresho bahawe, n’abaturage bo muri uyu murenge bakomeje gushima imbaraga zidasanzwe ubuyobozi bwabo buri gukoresha kugira ngo aka gace karusheho kurangwamo umutekano usesuye.

Abanyerondo bo ku Muhima bavuga ko ibikoresho bahawe bizabafasha kurushaho kwicungira umutekano
Umunyamabanga Nshingwabikorwa w’Umurenge wa Muhima, Ruzima John, ashyikiriza abanyerondo ibikoresho
Bahabwa amatoroshi
Koroherezwa mu gucunga umutekano bizabafasha kunoza gahunda zo gucunga umutekano
Umunyamabanga Nshingwabikorwa w’Umurenge wa Muhima, Ruzima John, atangaza ko ahahoze hitwa de bandit hahinduriwe izina hitwa de jolie
Umwe mu banyerondo yambikwa ikoti

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved