Kuki umubeshyi kabuhariwe abeshya no mu byo adafitemo inyungu?

Yanditswe na Iradukunda Serge
Kuya 30 Ugushyingo 2019 saa 02:09
Yasuwe :
0 0

Umubeshyi kabuhariwe, ni umuntu ubeshya nta mpamvu ibimuteye igaragara, bitandukanye n’uko bigenda ku binyoma bisanzwe aho umuntu ashobora kubeshya yanga kubabaza uwo abwira cyangwa yirinda ibibazo ukuri gushobora kumushyiramo.

Umuyobozi w’ikigo cyo muri Leta Zunze Ubumwe za Amerika gitanga ubujyanama ku bijyanye n’ubuzima bwo mu mutwe Dr. Michele Barton, avuga ko uyu muntu kuvuga ikinyoma bimworohera kuruta kuvuga ukuri.

Ati “Uyu ni umuntu ubeshya bimworoheye, ndetse kuvuga ikinyoma bikamujya muri kamere kuruta kuvuga ukuri”.

Abahanga mu by’imitekerereze bemera ko umuntu ashobora kuvuga ko kubura imodoka ariyo mpamvu yatumye atinda kugera ku kazi, kugira ngo atirukanwa cyangwa akabeshya ko arwaye kugira ngo abone uruhushya.

Hakibazwa ariko impamvu umuntu ashobora guhitamo kubwira abandi ko afite icyo apfana n’umuntu runaka uzwi kandi ntacyo cyangwa agahimba inkuru akayibwira abandi nk’ukuri kandi ibi byose nta nyungu igaragara abifitemo.

Barton atanga igisubizo kuri iki kibazo, yavuze ko kugira ngo umuntu avemo uyu mubeshyi kabuhariwe bituruka ku kuba aho yakuriye bataremeraga uwo ari we nawe agahitamo kwihimbamo undi mushya.

Yagize ati “Ababeshyi kabuhariwe ni abantu batigirira icyizere akenshi baba bararezwe n’ababyeyi bagira igitsure ndetse batemera abantu uko bari, ibi bigatuma aba bantu biremamo undi muntu muri bo ushobora gukundwa ndetse akemerwa n’ababyeyi babo kugira ngo birinde ibihano no gukozwa isoni”.

Abavuzi b’indwara zo mu mutwe barimo Dr. Scott Carroll, bavuga ko umubeshyi byabayeho karande abeshya mu bintu bitarimo inyungu ku buryo ashobora guhimba inkuru akakubwira uburyo ari umurwayi w’umutima, umugongo, amaso n’ibindi.

Yagize ati “Bamwe mu babeshyi kabuhariwe bashobora kwibeshyera uburwayi n’ibijyanye n’ingorane z’ubuzima bafite, kubera ko bashishikazwa n’uko abantu babagirira impuhwe kuko abantu bose bagirira impuhwe abarwayi”.

Urubuga healthline ruvuga ko umuntu ubeshya ibinyoma adafitemo inyungu ashobora kubiterwa n’impamvu zitandukanye zirimo n’uburwayi bwo mu mutwe buzwi nka ‘Antisocial personality disorder’.

Zimwe mu zindi mpamvu zishobora gutera umuntu kubeshya bitari ngombwa

Akeneye kwemerwa n’abandi

Urubuga healthline ruvuga ko imwe mu mpamvu abantu babeshya ari ukugira ngo bakundwe, bubahwe ndetse bahabwe agaciro n’abandi ibi bakabikora bahimpa inkuru zibagira intwari cyangwa zibagaragaza nk’abantu barenganyijwe kandi bakabona inzira y’ukuri itabageza kuri ibi byose.

Uruhererekane rw’ibindi binyoma yabeshye

Umuntu abeshya kugira ngo ahishire ikinyoma yabeshye mbere, uko uru ruhererekane rukomeza ni ko ikinyoma kigenda gikura umuntu akazisanga aramutse yemeye ko hamwe yabeshyaga byatuma n’ibindi byose bigaragara ko byari ibinyoma bityo abantu bakamutera icyizere bigatuma akomeza kubeshya ngo atazivamo.

Rimwe na rimwe ntibabona ibyo bavuga nk’icyinyoma

Iyo umuntu agize kubeshya akamenyero agera aho nawe ubwenge bwe bugahimba Isi ye ku buryo asigara abona ibinyoma bye nk’ukuri ndetse bigashoboka ko nyuma y’igihe byamuviramo indwara yo kutabasha gutandukanya ibitekerezo bye n’ibiri kuba, izwi nka ‘dillusion’.

Barton avuga ko aba babeshyi badakunda kugaragaza abo bari bo bya nyabyo kuko bumva ko bizabagora kkubeshya akaba ari byo bibatera no kuba bakubeshya izina no ku munsi wa mbere uhuye na bo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza