Kwamamaza

Kigali: Ntibagishaka kwitwa abatinganyi, biboneye izina ribabereye

Yanditswe kuya 4-09-2016 saa 08:13' na Thamimu Hakizimana


Bamwe mu babana bahuje ibitsina bo mu bice bitandukanye by’Umujyi wa Kigali bazwi ku izina ry’abatinganyi ntibakinyurwa n’iri zina ngo kuko ribasebya rikabambura n’agaciro muri sosiyete nyarwanda.

Mu kiganiro IGIHE yagiranye n’abayobozi b’amashyirahamwe y’abatinganyi yo mu Mujyi wa Kigali ubwo bari mu mahugurwa y’iminsi ibiri bagaragariza abanyamakuru imibereho yabo n’ingorane bahura nazo, batangaje ko bahisemo guhindura izina ry’abatinganyi bakitwa “abasangirangendo” kuko ari izina ribahesha agaciro kandi rinagaragaza ko hari byinshi bahuriyeho.

Bamwe muri aba babana bahuje ibitsina barimo n’abakobwa, bemeza ko badashaka kongera kwitwa abatinganyi ngo cyane cyane ko ari zina nyandagazi ribasebya cyane.

Uwitwa Germain yagize ati “ Abatinganyi rwose ni ijambo rirasebanya kandi n’izina nyandagazi ku buryo tuba twumva nta wakwita undi atyo , bitewe n’uko umuntu aba yumva ko gutingana ari ugufata nk’ipiki ukayikubita undi.”

Uwiragiye Jean de Dieu uhagarariye ishyirahamwe ry’ababana bahuje ibitsina bagera kuri 60 ryitwa Amahoro Human Respect na we yemeza ko bahisemo kwanga kwita abatinganyi kuko ari izina risebanya ndetse ririmo ikinyabupfura gike.

Yagize ati “ Ntabwo dukwiye kwitwa gutyo kuko umutinganyi biva ku nshinga gutingana bivuga kuryamana n’undi muhuje igitsina mu gihe muri twe harimo n’abakundana bahuje ibitsina ariko badashobora no kuryamana kubera kamere yabo.”

Umukobwa witwa Kenny wemeza ko ari umugabo we yagize ati “ Ahubwo mwe nk’abanyamakuru rwose mugende mushishikariza abanyarwanda kudakoresha ijambo abatinganyi nk’uko batagikoresha andi mazina yahabwagwa abafite ubumuga cyane cyane ko bayaretse kuko basanze yarabahaga akato.”

Gusa nubwo aba baturage babana bahuje ibitsina bafashe umwanzuro wo kwanga kwitwa abatinganyi bagahitamo kitwa abasangirangendo, ubusanzwe uyu muco ntiwemewe n’amategeko y’u Rwanda, ku buryo ari imwe mu mpamvu ituma benshi muri bo bakunze gukorera mu bwiru.

Umukobwa w'i Kigali ukundana n'uwo bahuje igitsina

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved