Kenya: Yakatiwe gufungwa imyaka ibiri azira kugurisha inyama z’injangwe ku bacuruza sambusa

Yanditswe na Bukuru JC
Kuya 10 Nyakanga 2018 saa 10:38
Yasuwe :
0 0

Urukiko rwa Nakuru muri Kenya rwakatiye igifungo cy’imyaka ibiri umugabo wahamwe no gucuruza inyama z’injangwe ku bacuruzi ba sambusa.

James Mukangu Kimani yahamijwe icyaha cyo kwica injangwe akagurisha inyama ku bakiriya be batabizi. Urukiko rwavuze ko kugaburira abantu inyama z’injangwe bihabanye n’itegeko rigenga icuruzwa ry’ibiribwa.

Uretse ibyo, yanahamwe n’icyaha cyo kubagira itungo ahatemewe n’amabwiriza y’icuruzwa ry’inyama. Urukiko rwaherukaga kumukatira imyaka itatu y’igifungo ariko yaje kugabanywa, n’ihazabu yari yaciwe ikurwa ku Sh50000 igera ku Sh10000.

Daily Nation yatangaje ko Kimani yatawe muri yombi muri Kamena 2018, abwira itangazamakuru ko kuva mu 2012 yahaga izo nyama abacuruzi ba isambusa na hoteli batazi ko ari iz’injangwe. Yavuze ko yagurishije inyama z’injangwe zirenga 1000.

Yemereye urukiko ko yatangiye ubwo bushabitsi amaze kubona ko hari icyuho mu kubona inyama ariko nawe ubwe yemeza ko abakiriya be batari bazi ko abagurisha iz’injangwe.

Yafatiwe mu cyuho ari kubaga injangwe mu mujyi wa Nakuru; yarimo ayishishuraho uruhu yamaze kuyikata ijosi.

Abarya muri za resitora babajwe n’iyo nkuru, nk’umuturage witwa Maina Saitoti wagize ati “Ibi bivuze ko ibiryo turya hano mu mujyi biteye inkeke. Yavuze ko yari afite isoko kandi ko yabaze injangwe zirenga 1000. Biteye ubwoba ko yari afite isoko ry’inyama z’injangwe n’impu, birababaje."

Mu ifatwa ry’uwo mugabo, abaturage baramukubise mbere yo gutabarwa na Polisi igahita ijya kumufunga.

Yemereye urukiko ko yatangiye ubwo bushabitsi amaze kubona ko hari icyuho mu kubona inyama

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza