Kenya: Umusore w’imyaka 17 arashinjwa kwica umukobwa amuziza kwanga ko basambana

Yanditswe na Bukuru JC
Kuya 30 Ugushyingo 2019 saa 12:03
Yasuwe :
0 0

Umusore y’imyaka 17 arashinjwa kwica Valerie Njeri, umukobwa w’imyaka 16 wigaga mu mwaka wa kabiri w’amashuri yisumbuye, nyuma y’uko yanze ko bakora imibonano mpuzabitsina.

Kuwa kane w’iki cyumweru nibwo nyakwigendera yatiruriye mugenzi we bari baturanye igitabo, gusa nyuma y’uko uyu musore amusabye ko basambana Valerie akabyanga, uyu musore yahise amutera ibyuma aramwica.

K24 ivuga ko nyuma y’uko uyu musore amaze kwica Valerie yahise ahisha umurambo we munsi y’igitanda, ategereza ko igitondo cyo kuwa Gatanu kigera ajya kuwujugunya hafi y’amarembo y’iwabo wa Valerie.

Ababyeyi ba Valerie bamenye amakuru y’uko umukobwa wabo yitabye Imana mu gitondo cyo kuwa Gatanu ubwo umuturanyi wabo yabakomangiraga ababwira ko abonye umurambo w’umwana wabo ku irembo.

Se wa Valerie, John Nduno, avuga ko basize umukobwa wabo mu iduka bakajya gushyingura mu gace ka Laikipia.

Ati “Tuvuye gushyingura ku mugoroba wo kuwa kane, twashakishije Valerie turamubura. Mu gitondo cyo kuwa gatanu nibwo umuturanyi yadukomangiye atubwira ko umurambo w’umukobwa wacu uri ku muryango w’igipangu.”

Umubyeyi w’umwana ushinjwa ubwicanyi yabwiye K24 ko yumvise umwana we abyuka igicuku bikamutungura, yongeraho ko nyuma y’uko ageze mu wa gatatu w’amashuri yisumbuye imyitwarire ye yatangiye kuba mibi.

Ati “Umuhungu wanjye yabyutse kare cyane bidasanzwe, mubajije ikibimuteye ambwira ko agiye kwiga. Kuva umuhungu wanjye yajya mu wa gatatu w’amashuri yisumbuye imyitwarire ye yahindutse mibi, yabaye mubi. Gusa siniyumvishaga ko yakora icyaha nk’iki.”

Kugeza ubu uyu musore ushinjwa ubwicanyi afungiye kuri sitasiyo ya polisi yo mu gace ka Naivasha mu gihe hagikorwa iperereza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza