Kwamamaza

Itorwa rya Trump ryahuriranye n’iyemerwa ryo gukoresha urumogi i California

Yanditswe kuya 11-11-2016 saa 08:04' na Hagengimana Philbert


Mu gihe amaso yose yari yerekeje ku matora y’Umukuru w’Igihugu muri Leta Zunze Ubumwe za Amerika yegukanywe na Donald Trump, muri Leta ya California kimwe n’izindi enye ho banakoze ayo kwemeza ikoreshwa ry’urumogi.

Ku mugoroba wo kuwa Kabiri w’iki Cyumweru, tariki ya 8 Ugushyingo 2016, ni bwo abaturage bagejeje igihe cyo gutora muri Leta ya California bemeje ikoreshwa ry’urumogi nk’ikinyobwa aho kurukoresha gusa nk’umuti.

Ibyo ni na byo byakozwe muri Leta ya Massachusetts, Arizona, Maine ndetse na Nevada, mu gihe mu zindi Leta ho bemeje ikoreshwa ry’icyo kiyobyabwenge nk’umuti, ibyo bikemererwa abafite imyaka y’ubukure, ndetse itegeko batoye riteye kimwe n’irigenga abanywa inzoga.

Mu gihe izi Leta eshanu zaba zemeje iri tegeko byaba bivuze ko abagera kuri 1/5 cy’abaturage ba Amerika bazaba bemerewe gukoresha urumogi.

California irangaje imbere izindi Leta haba mu bashyigikiye ikoreshwa ry’urumogi ndetse n’abarurwanya, dore ko iyo leta ituwe na 12% by’abaturage bose ba Leta Zunze Ubumwe za Amerika.

ABC News dukesha iyi nkuru itangaza ko iri tegeko ryo gukoresha urumogi rizazamura ubukungu bw’iyo Leta n’ikigero cyabwo, bitewe n’uko imisoro nayo iziyongera.

Ubusanzwe urumogi rwari rwemewe muri Leta enye gusa ari zo Alaska, Colorado, Oregon na Washington, aha rukaba rwemewe guhingwa no gukoresha ku mpamvu z’umuntu ku giti cye ariko rukaba rutagurishwa.

Izo leta ziyongereyeho zikaba zizatuma abanywa urumogi ku mugaragaro biyongera kuva kuri 5% bakaba bageze 20%.

Bamwe bishimiye gukoresha urumogi mu buryo bwemewe n’amategeko

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved