Impamvu ari ingenzi kwandika urwandiko rw’irage mbere y’uko upfa

Yanditswe na Sekamana Mathias
Kuya 4 Kanama 2019 saa 03:46
Yasuwe :
0 0

Ruth Byock w’imyaka 81 yari atwaye imodoka ubwo yajyaga mu rugo rw’umukobwa we Molly ngo basangire ibya nimugoroba. Ari mu nzira, yaje gufatwa n’indwara y’umutima ahita apfa.

Mu gihe abana be bari bagitekereza ukuntu bazabaho badafite mama wabo, Molly na musaza we Iran bagiye gutunganya inzu mama wabo yabagamo.

Uyu muryango wo muri California muri Leta Zunze Ubumwe za Amerika, ubwo wari uri gutunganya ibintu mu nzu ya nyakwigendera Byock, babonye agakarita gatoya mu gikoni, iruhande rw’ agakarito kajyagamo inyandiko yabaga yohererejwe.

Muri ako gakarito, mama wabo yari yaratondetse neza impapuro zose, hari mo iza konti ze za banki ,amafaranga yari akiri mu nzira agomba kuza kuri konti ze n’izindi mpapuro zose bari gukenerwa kugira ngo bakurikirane ibye byose banagabane umutungo we.

Ushobora kumva atari ikintu kiza mu matwi yawe, ariko gutegura urwandiko, impapuro n’ibyangombwa bitandukanye umuntu ashobora kubona bitamuvunnye mu gihe waba wapfuye ni ikintu gishobora gufasha abo wakundaga gusigara mu mahoro, ibyo wabasigiye nk’amafaranga n’indi mitungo bakabibona badahangayitse.

Ikindi ushobora gukora kirenze kwandika urutonde rw’amakonti, ni intekerezo z’uko uru rwandiko rw’irage rwafasha abasigaye kumva ko mukiri kumwe nubwo mu bigaragara uba udahari.

Umugore umwe yaravuze ko ashaka gusigira umugabo we icyubahiro muri urwo rwandiko, kugira ngo nanapfa mbere ye umugabo azajye akomeza yumve ko umugore we amwubaha nubwo yapfuye.

Urwandiko Byock yasize ntabwo wenda rwatumye abana be babasha kumusezera ho, ariko rwatumye biborohera gukurikirana ibye no kubikoresha uko yari yarabigennye.

Ntabwo ari ngombwa gutegura izo nyandiko mu ijoro rimwe. Jya ufata ukwezi utegure ikintu kimwe wumva ko ari ingenzi, ujye ubikora gahoro kugeza wumvise ko byose wabyujuje.

Ibi ni bimwe by’ingenzi washyira mu rwandiko rwawe rw’irage harimo ikigaragaza uko imitungo yawe izakoreshwa, icyemezo cy’abo wizera gisinye, icyangombwa cyo gushyingirwa cyangwa gutandukana n’uwo mwashakanye, imibare y’ibanga y’amakarita ya banki, telefone, mudasobwa, email, uko uzashingurwa n’aho wifuza gushyingurwa, ibaruwa wandikiye abo ukunda n’ibindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza