00:00:00 IGIHE NETWORK KN KINYARWANDA EN ENGLISH FR FRANCAIS

Ikijumba kinini ku Isi cyabonetse muri Nouvelle-Zélande

Yanditswe na Zigiranyirazo Bajecteur
Kuya 6 Ugushyingo 2021 saa 01:55
Yasuwe :
0 0

Umugore n’umugabo bo muri Nouvelle-Zélande, batunguwe no gusanga umugozi w’ikijumba wimejeje mu murima wabo mu gihe biteguraga kwinjira mu gihembwe cy’ihinga cy’urugaryi.

Bagerageje gukura icyo kijumba basanga ni kinini cyane ku buryo bivugwa ko ari cyo gishobora kuba kiruta ibindi bimaze kugaragara ku Isi yose.

Uyu muryango wa Colin na Donna Craig-Brown usanzwe ufite inkomoko ahitwa Ngāhinapōuri mu gace ka Waikato, wabwiye CNN ko watunguwe ku buryo bukomeye no kubona icyo kijumba.

Bati “Mu by’ukuri ni kimwe mu bintu karemano bitangaje twabonye. Ntabwo twari tuzi ko kirimo gukurira hariya, ntitunazi n’igihe kihamaze kuko twakundaga guca mu ruhavu rwo haruguru mu gihembwe cy’ihinga gishize.“

Bahisemo guha icyo kijumba izina rya “Doug“ ndetse kugeza ubu cyafashwe nk’ikinini ku Isi kuko gipima ibiro 7,9 mu gihe icyari gisanganywe agahigo cyari cyarabonywe n’umuhinzi w’Umwongereza witwa Peter Glazebrook gipima ibiro 4,98 akaba yari yarakibonye mu 2011.

Mu gihe hagitegerejwe ko cyandikwa mu gitabo cy’uduhigo cya Guiness de Record, “Doug“ cyashyizwe mu cyuma gikonjesha byatumye uyu kimaze gutakariza ikilo.

Ba nyiracyo basigaye bagikura muri frigo akanya gato bakagishyira ku zuba nyuma bakongera bakagisubizamo.

Gipima ibilo birenga birindwi kandi cyarimejeje
Iki kijumba bivugwa ko aricyo kinini ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .