Kwamamaza

Igisura gishobora kuvamo imboga zuzuyemo intungamubiri

Yanditswe kuya 13-08-2016 saa 11:18' na Emma Marie Umurerwa


Amababi y’igisura ‘ortie’ iyo akoze ku mubiri harocyera ndetse hagafuruta, ariko ni imboga zikungahaye ku ntungamubiri nyinshi nk’uko abahanga mu by’imirire babitangaza.

Usibye kuba gikungahaye ku ntungamubiri igisura kinavura indwara nyinshi.

Amazi ava mu mababi yacyo ni umuti uvura indwara zitandukanye, mu gihe amababi yacyo na yo ari imboga zuzuye intungamubiri, ndetse ngo gishobora no gukorwamo umutobe.

Urubuga rwa Doctissimo dukesha iyi nkuru rwatangaje ko igisura kivura rubagimpande, indwara zifata mu myanya y’ubuhumekero, izifata mu myanya myibarukiro n’izindi.

Abahanga kandi bavuga ko ari umuti uvura urwagashya, diyabete, igifu n’agasabo k’indurwe, ndetse ngo kivura indwara z’uruhu nyinshi kandi cyongera amashereka.

Mu ntungamubiri gikungahayeho bavugamo vitamin C, A, imyunyungugu, hamwe na potassium. Bavuga kandi ko gikungahaye kuri Magnesium, calcium na Silisiumu zitera amagufa gukomera.

Ni byiza ko igisura gisarurwa kikiri gitoto hirindwa ko ibibabi byacyo bikomera bigatuma gisharira no kurinda ko cyababa umuntu kandi ni ngombwa kwambara ibikingira intoki (gant) hirindwa ingaruka zose cyatera ku mubiri.

Ubushakashatsi bwakozwe, bukanemezwa n’Ishami ry’Umuryango w’Abibumbye rishinzwe ubuzima,OMS, bugaragaza ko igisura gituma umuntu abasha kwihagarika neza kigatuma n’imyanda isohoka neza mu ngingo.

Igisura gishobora kubyazwamo imboga birenze uko abantu babitekerezaga
Isupu yakozwe mu gisura ikungahaye ku ntungamubiri zitandukanye
Umutobe w'igisura uvura indwara zitandukanye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved