Icyo ubushakashatsi buvuga ku nshuro umuntu akwiye gukora imibonano mpuzabitsina mu cyumweru

Yanditswe na Sekamana Mathias
Kuya 29 Kamena 2019 saa 05:17
Yasuwe :
0 0

Imibonano mpuzabitsina n’ubuzima biragendana. Ubushakashatsi bwagaragaje ko gukora imibonano mpuzabitsina bigabanya ibyago byo kurwara kanseri y’amabere ndetse n’iy’udusabo tw’intanga ngabo. Bwagaragaje kandi ko bituma umuntu agira ubuzima bwiza bwo mu mutwe kuko bigabanya umunaniro, bigatuma umuntu atekereza neza.

Nk’uko byasohotse mu bushakashatsi buri muri Archives of sexual behavior, abantu benshi ku isi cyane cyane muri Amerika basigaye bakora imibonano mpuzabitsina gake ugereranyije no mu myaka yashize, banayikora bakayikora nta kwishimirana, ari ukurangiza umuhango gusa.

Kuva mu 2010 kugeza mu 2014, inshuro abantu bakuru muri Amerika bakoze imibonano mpuzabitsina zagabanutse inshuro umunani ugereranyije n’izo bakoze imibonano mpuzabitsina hagati ya 2000 na 2004.Iri gabanuka kandi ryageze ku bashakanye kuko inshuro baryamanaga muri iyo myaka yavuzwe haruguru yagabanutseho inshuro nibura 16 mu mwaka.

Ese biterwa n’iki? “Impamvu zigenda zitandukana kuri buri muntu ” nkuko byavuzwe n’uwari ukuriye ubu bushakashatsi Jean Twenge, umwarimu w’ibijyanye n’imitekerereze ya muntu muri kaminuza ya San Diego State akaba n’umwanditsi w’igitabo Generation Me.

Ikindi ni ukwiyongera k’umwanya abantu bamara mu kazi no kwita ku bana babo nabyo bishobora kuba igisobanuro cy’igabanuka ry’inshuro abashakanye bakora imibonano mpuzabitsina.

Kwiyongera kw’ibishimisha abantu birimo imyidagaduro cyane cyane iyo ku mbuga nkoranyambaga nabyo ubu bushakashatsi bugaragaza ko biri mu bituma hari ababirutisha kumarana umwanya bashimishanya mu buryo butandukanye ku buryo bagera no ku gutera akabariro.

Usibye ibyo byose bituma abantu bihugiraho, ubuzima bw’umuntu ntibuba bwuzuye iyo adakora imibonano mpuzabitsina. Ubushakashatsi bukomeza bugaragaza ko abantu bakuru batera akabariro nibura inshuro 54 mu mwaka, ni ukuvuga byibuze inshuro irenze gato imwe mu cyumweru. Ariko ababana barashakanye bo bakora imibonano mpuzabitsina byibuze inshuro 51 mu mwaka.

Ibyo ni byiza kuko gukora imibonano mpuzabitsina byibuze inshuro imwe mu cyumweru ari byiza ku buzima iyo uzi neza ko uzagera ku ndunduro y’ibyishimo byawe nk’uko biri mu bushakashatsi bwa Amy Muise, umwarimu w’imitekerereze ya muntu muri kaminuza ya York yo muri Canada.

Muise n’ikipe ye bagaragaje ko ababana bagira ubuzima bwiza iyo batera akabariro inshuro nyinshi ugereranyije n’ababikora gake.

Bati “Gukora imibonano mpuzabitsina bituma umuntu yumva anyuzwe cyane mu rukundo. Ariko iyo birenze rimwe mu cyumweru binongera imibereho myiza. Ibi ntibivuze ko kubikora rimwe mu cyumweru cyangwa gake kurushaho cyangwa kenshi ari bibi.”

Birumvikana birakomeye kugaragaza impamvu n’ingaruka z’imibonano mpuzabitsina ku buzima. Kugira ubuzima bwiza buzira umuze bituma umuntu yumva yakora imibonano mpuzabitsina inshuro nyinshi, ariko gutera akabariro ubwabyo ntibyatuma ugira ubuzima bwiza ku mubiri no mu mutwe.

Ibi bivuze ko tudakwiye kwita ku kuba imibonano mpuzabitsina ari ikimenyetso cyangwa impamvu ituma ubuzima buba bwiza, ahubwo gukora imibonano neza nicyo cy’ingenzi.

Niba ubyemerewe ukaba uzi ko ukora imibonano mpuzabitsina inshuro ziri munsi ya rimwe mu cyumweru, gushyiramo imbaraga ukongera izo nshuro byaba ari igitekerezo cyiza mu gihe nta gahato.

Ubushakashatsi bwa kaminuza ya Carnegie Mellon mu 2015, bwagaragaje ko abantu bihingamo gukora imibonano mpuzabitsina kenshi bitabarimo batajya bagira ubuzima bwishimye, ariko bukagaragaza na none ko amahirwe menshi ari uko abakoreweho ubu bushakashatsi bose bashobora kuba bari bamaze igihe babikora bahatiriza kurusha kuba bashaka izindi mpamvu hanze zatuma bagira ubushake bwo gukora imibonano mpuzabitsina babyiyumvamo badahatiriza.

Muise nawe yongeyeho ko abashakanye bakoreshejwe mu bushakashatsi bwa Loewenstein bari basanzwe batera akabariro inshuro imwe gusa mu cyumweru, bikaba bishoboka ko babaga bageze ku ndunduro y’ibyishimo byabo haba ku mibonano mpuzabitsina no ku mibereho myiza isanzwe.

Loewenstein nawe yagize ati Yagize ati “Ndacyemera ko abo bashakanye bakwiye gushakisha izindi mpamvu zatuma bagira ubushake bwo gutera akababriro inshuro nyinshi”.

Ibi ngo ni ukuri cyane by’umwihariko ku bantu bamaranye igihe kinini.

Ntabwo iyi nkuru igamije gutuma abakobwa n’abahungu batabyemerewe bishora mu mibonano mpuzabitsina, ahubwo igamije gushishikariza ababyemerewe babikoraga gake kugerageza kongera inshuro babikora kuko bituma umuntu abaho yishimye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza