Kwamamaza

Ibyo wamenya ku bwirakabiri budasanzwe buteganyijwe kuwa 01 Nzeli

Yanditswe kuya 28-08-2016 saa 17:17' na Rabbi Malo Umucunguzi


Abahanga mu bijyanye n’ubumenyi bw’ikirere, bamaze kugaragaza ko kuwa Mbere Nzeli 2016, hazaba ubwirakabiri bw’izuba, buzagaragara cyane mu gice cya Afurika yo hagati n’amajyepfo.

Ubu bwirakabiri bw’izuba, “Annular Solar Eclipse”, ni igihe ukwezi kuba kwagiye hagati y’Isi n’Izuba, kugakingiriza igice cyo hagati mu zuba cyohereza urumuri ku Isi, hagasigara haboneka igice gito cy’inyuma ku zuba gisa n’uruziga umuntu abona ahagaze ku Isi, ku buryo ari nk’impeta itukura.

Ibipimo by’ubu bwirakabiri birerekana neza ko ahantu heza hazareberwa ubu bwirakabiri ari muri Madagascar, cyangwa mu bice bya Afurika yo hagati nka Tanzania, by’umwihariko mu turere twa Wanging’ombe na Ruweja.

Ikigo gishinzwe ubumenyi bw’ikirere cy’Abanyamerika, NASA, kigaragaza ko ubwirakabiri buzatangira ahagana 06:13 ku isaha ngengamasaha, ubwirakabiri bukomeye bukazagaragara 09:01 ku isaha ngengamasaha. Biteganyijwe ko aho buzamara igihe kinini buzagenda buhamara iminota 3 n’amasegonda atandatu bitewe n’ibipimo ako gace gaherereyeho.

Ubu bwirakabiri buzarema igisa n’umukororombya, uzafata mu bihugu bimwe by’imigabane ya Afurika yo hagati n’Amajyepfo ku gice kinini, n’igice gito cya Aziya, Australia na Antarctic, muri rusange ukazamara igihe kigera ku masaha ane, hagati ya Saa tatu na saa sita z’amanywa.

Ubwirakabiri nk’ubu bwaherukaga kugaragara mu Rwanda mu 2014.

Igishushanyo cya Nasa kigaragaza aho ubwirakabiri buzanyura
Ifoto igaragaza aho ubwirakabiri buzafata kuwa 1 Nzeli

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved