Kwamamaza

Ibuye ryanditseho amategeko 10 y’Imana ryagurishijwe ibihumbi 850 by’amadolari

Yanditswe kuya 17-11-2016 saa 19:16' na Cyprien Niyomwungeri


Ibuye ryanditseho amategeko 10 y’Imana bivugwa ko rimaze imyaka hagati ya 300 na 500 nyuma ya Yezu, ryagurishijwe mu cyamunara ibihumbi 850 by’amadolari ya Amerika.

Iyi cyamunara yabereye i Beverly Hills mu mujyi wa Los Angeles muri Leta zunze Ubumwe za Amerika ejo kuwa Gatatu, icyakora uwaguze iryo buye ntaratangazwa.

Ibiro ntaramakuru by’Abanyamerika,Associated Press, byatangaje ko iryo buye rifite uburebure bwa santimetero 60 n’uburemere bw’ibiro birenga 50, ryanditseko mu rurimi rw’Igiheburayo.

Mu mwaka wa 2005 nibwo abayobozi ba Israel baharanira amatwara ya kera, bemeye ko iryo buye ryafatwaga nk’umutungo w’igihugu rijyanwa muri Amerika ariko bategeka ko rigomba kujya ryerekanwa mu nzu ndangamurage aho abantu bose bashobora kuribona. Ryashyizwe mu nzu ndangamurage y’Abayahudi iri i Brooklyn mu mujyi wa New York.

David Michaels uyobora inzu iteza cyamunara ibintu ndangamurage, yashimangiye ko kugura iryo buye bidasobanuye ko rizashyirwa ahantu abantu benshi batagera.

Iryo buye ryatoraguwe hafi y’umujyi wa Yavneh wahoze ubarizwa muri Palestine mu 1913, rigaragaraho amategeko icyenda mu 10 yari yanditseho, iritagaragara ni rimwe rigira riti ‘Ntuzarahire izina ry’Imana mu busa cyangwa mu binyoma’.

Ibuye ryanditseko amategeko 10 y’Imana ryagurishijwe ibihumbi 850 by’amadolari ya Amerika mu cyamunara

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved