Ibihe by’umunezero byaranze urukundo rwa Barack Obama na Michelle Obama mu mafoto

Yanditswe na Iradukunda Serge
Kuya 8 Kanama 2019 saa 02:52
Yasuwe :
0 0

Nk’abandi bose, amateka y’urukundo rwa Barack Obama wabaye Perezida wa 44 wa Leta zunze Ubumwe za Amerika kuva mu 2009 kugeza mu 2017, n’umugore we Michelle Obama yagize intangiriro.

Uyu muryango wamenyekanye cyane mu 2007 ubwo Barack Obama yiyamamariza kuyobora Amerika, gusa amateka y’urukundo rwabo yatangiye imyaka icumi mbere yaho, ubwo Michelle Obama icyo gihe witwaga Michelle Robinson yagirwaga umujyana wa Obama mu biro by’abanyamategeko muri Leta ya Chicago bizwi nka ‘Chicago law firm Sidley & Austin’.

Nyuma y’igihe bakundana baje kurushinga mu 1992 ubu bakaba bafite abana babiri aribo; Malia Ann wavutse mu 1998 na Natasha bakunze kwita Sasha wavutse mu 2001.

Urukundo rw’uyu muryango rugaragarira mu magambo aryoshye (imitoma) bagiye babwirana ndetse n’amafoto yuje akanyamuneza adasiba kubagaragaza bombi barebana akana ko mu jisho.

Umwaka ushize ubwo bifurizanyaga isabukuru y’imyaka 26 ishize bashyingiranywe, Barack Obama n’umugore we bakoresheje amagambo yuzuye urukundo buri umwe ashimagiza mugenzi we.

Ku wa ya 3 Ukwakira 1992 nibwo Barack na Michelle bashyingiranwe, nyuma y’imyaka igera kuri itatu bakundana.

Abinyujije ku rubuga rwa Twitter, Barack yashimiye umugore uburyo babanye neza mu myaka 26 ishize bashyingiranwe.

Ati “Mu myaka 26, wambereye umufasha udasanzwe, umuntu utuma mpora nseka, umuntu nishimira kuba ndi kumwe nawe ku Isi.”

Mu kumusubiza, Michelle nawe yakoresheje amagambo imitoma ashimangira ko nawe yishimiye kuba ari we mugabo yashatse.

Ati “Urakoze Barack ku bw’imyaka 26 y’urukundo, icyizere n’icyubahiro, warakoze kuba umugabo uhora anzamura mu ntera kandi akanyubahisha njye n’abakobwa bacu beza. Buri munsi ndi kumwe nawe, mpora nibutswa uburyo uri uw’agaciro kuri twebwe twese.”

Hifashishijwe amafoto yagiye afatwa n’umufotozi w’ibiro by’umukuru w’igihugu cya Leta zunze Ubumwe za Amerika, ibi ni bimwe mu bihe by’umunezero by’uyu muryango.

Barack ahobera Michelle Obama muri White House aha hari muri 2009
Barack na Michelle basomana ubwo barebaga umukino wa Basketball, 2012
Barack Obama na Michelle bari muri 'Ascenseur'
Barack Obama na Michelle babyina ingwatira mu birori byaberaga Washington muri 2013
Barack Obama na Michelle bashyingirwa mu Ukwakira 1992
Barack Obama na Michelle bawuceka muri White House
Barack Obama na Michelle mu gitaramo cya Bruce Springsteen na Billy Joel cyabereye mu mujyi wa New York mu 2008
Barack Obama na Michelle mu modoka itwara umukuru w'igihugu bishimye mu 2013
Barack Obama na Michelle Obama bahagaze ku gisenge cya White House bareba uko barasa ibishashi mu 2010
Barack Obama na Michelle ubwo bari muri Kenya mu 1992
Barack Obama na Michellle banezerewe aha hari muri 2009
Barack yongorera Michelle muri White house
Ikiganza cya Barack na Michelle Obama bafashe ku cyuma cy'ubwato ubwo bari mu biruhuko mu mujyi wa Panama 2010
Michelle akora ku kananwa ka Barack Obama mu buryo bwuje urukundo
Michelle areba Barack Obama kuri televiziyo ageza ijambo ku bitabiriye inama izwi nka Congressional Black Caucus Foundation
Michelle Atunganya Obama mu gihe biteguraga kwakira Perezida w'u Bushinwa Xi Jinping muri 2015
Michelle na Barack bafatanye mu kiganza mu gihe bumvaga ijambo rya John Lewis muri 2015
Michelle na Barack berekeza ku modoka nyuma yo gutembera Old Havana muri Cuba 2016
Michelle na Barack Obama bahoberana na Oprah Winfrey wari waje kubashyigikira igihe Obama yiyamamarizaga kuyobora Leta zunze Ubumwe za Amerika
Michellle ategereje gusuhuza Barack ku kibuga mpuzamahanga cy'indege cyitiriwe Kennedy mu mujyi wa New York 2012
Urukundo rwa Obama na Michelle ntirukunze kwihishira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza