Kwamamaza

Hitezwe ibidasanzwe mu kirere mu ijoro ry’uyu wa 14 Ugushyingo 2016

Yanditswe kuya 14-11-2016 saa 22:42' na Philbert Hagengimana


Ijoro ry’uyu wa mbere tariki ya 14 Ugushyingo rishyira kuwa wa Kabiri tariki ya 15, hitezwe ibidasanzwe mu kirere, aho ukwezi kuri bube kugaragara nk’ukunini bidasanzwe kandi kwaka cyane, bitewe n’uko kuri bube kuri hafi cyane y’Isi, ibyo bikaba byaherukaga kubaho mu myaka 70 ishize.

Ikigo cy’Abanyamerika gikora ubushakashatsi ku bumenyi bw’ikirere n’isanzure, NASA cyatangaje ko “ari ukwezi kudasanzwe”, bikaba byaherukaga kuba muri Mutarama 1948, kandi ngo nibiba muri iri joro bizongera kubaho mu Ugushyingo 2034.

Kuba ukwezi kuri bwigire hafi cyane y’Isi, bigatuma kwaka cyane bidasanzwe kandi kugaragara nk’ukunini biraterwa n’uruhurirane rw’uko ubusanzwe ukwezi kugaragara kose buri minsi 28, ibyo bikaza kuba mu gihe kuri bube kwigiye hafi y’umubumbe w’Isi.

Ukwezi kuraza kuba kuri ku butumburuke bwo hasi kuruta ubundi kujya kugeraho, aho saa tanu n’iminota makumyabiri n’ibiri (11:22) ku isaha ngenga masaha ya GMT, (ubwo ni 1:22 ku isaha yo mu Rwanda), kuri bube kuri ku ntera y’ibirometero 356 509 mu gihe ubusanzwe kuba kuri ku mpuzandengo y’intera y’ibirometero 384 400.

Ukwezi kuri buze kugaragara gutyo mu gihe cy’amasaha abiri n’igice, kukaza kugaragara ku Isi hose mu gihe ikirere cyaba cyemeye ko kugaragara, cyane ko hari aho ibicu by’imvura bikubuza kumurikira Isi.

Utari bubone iryo murika ridasanzwe ry’ukwezi muri iri joro, azategereza tariki ya 25 Ugushyingo 2034 kugira ngo yongere abibone, aho icyo gihe kuzaba kwegereye Umubvumbe w’Isi ku ntera y’ibirometero de 356 445.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved