Hagaragajwe ko mu myiteguro ya Noheli gukora imibonano mpuzabitsina bigabanyuka

Yanditswe na Ntabareshya Jean de Dieu
Kuya 31 Mutarama 2021 saa 12:31
Yasuwe :
0 0

Abashakashatsi bo muri kaminuza ya Stanford muri Leta ya California, bagaragaje ko imibonano mpuzabitsina mu bihe bya Noheli byagabanutse cyane bitandukanye n’indi minsi mikuru ndetse n’intangiriro z’umwaka mushya.

Aba bashakashatsi bifashishije abakoresha porogaramu ikunze kunyuraho amakuru y’ubuzima bw’umugore yitwa Clue. Abakoresha iyi porogaramu bandika amakuru yabo mu buryo bw’ibanga ajyanye n’imibonano mpuzabitsina.

Ubu bushakashatsi bwakozwe ku makuru yakusanyijwe ku bagore barenga ibihumbi 500 bo mu bihugu bitandukanye birimo, u Bwongereza, u Bufaransa, Brésil, na Leta Zunze Ubumwe za Amerika.

Byagaragaye ko mu bihe abantu bizihizaho iminsi mikuru irimo umunsi w’abakundana bitiza umurindi ibikorwa by’imibonano mpuzabitsina ariko byabaye itandukaniro mu gihe abantu biteguraga umunsi mukuru wa Noheli kuko ibi bikorwa byaragabanutse cyane.

Umwe mu bakoraga ubu bushakashatsi, Laura Symul, yavuze ko ahanini bigendana no kuba muri iyi minsi abantu baba bahugiye mu bikorwa byo kwitegura uyu munsi no kwishimana n’umuryango mugari.

Ati “Ku bijyanye n’abagore bakiri bato, abadafite abana, ibyo bishobora guterwa ahanini no kwizihiza Noheli bari hamwe n’ababyeyi babo aho kuba abo bakundana.”

Umuyobozi mukuru w’umubano akaba n’umwarimu w’ubuzima bw’imyororokere muri Kaminuza, Dr Jacqui Gabb, yavuze ko biterwa ahanini n’inshingano nyinshi abagore baba bafite mu bihe bya Noheli birimo no gutanga impano ku bagize umuryango.

Yagize ati “Abagore bakunze kwishyiraho inshingano z’urugo ku bitugu byabo mu bihe nk’ibi, nko gutegura impano, gutunganya amafunguro no kuzigamira umunsi mukuru, gutaka inzu, mbese gushaka kuzana umwuka wa Noheli no mu rugo.”

Nk’uko ubushakashatsi bwabigaragaje irari ryo gukora imibonano mpuzabitsina ryagarutse ku munsi wa nyuma ya Noheli [boxing day], gusa byakabije mu ijoro ryo gutangira umwaka mushya.

Uku kwiyongera kw’ibikorwa by’imibonano mpuzabitsina kwabaye mu bihugu byose byakorewemo ubushakashatsi.

Dr Jacqui, ahuza ubu bwiyongere no kuba abantu benshi batangira umwaka bari kumwe nabo bashakanye ndetse ahanini benshi batangirana ingamba nshya zirimo no gutangiza umuryango.

Ati “Umwaka mushya n’igihe cyo kwinezeza, bivuze ko imibonano mpuzabitsina ihabwa umwanya, cyane cyane iyo inzoga zakoreshejwe. Ni igihe abantu batekereza ku ntangiriro nshya, kandi benshi bashobora guhitamo gutangirana n’umwaka bubaka umuryango.”

Abashakashatsi bagereranyije ibyavuye mu makuru n’inyandiko zagiye zitangazwa ku mugaragaro muri buri gihugu basanga ubwiyongere bukabije bw’abana bavutse hagati ya Kamena na Ugushyingo mu bihugu byo mu Majyaruguru y’Isi.

Ubifatanije n’imihindagurikire y’ibihe mu myororokere y’abantu, abashakashatsi bemeza ko ingeso za muntu zishingiye ku mibonano mpuzabitsina mu bihe by’ibiruhuko bishobora gusobanura uku kwiyongera kw’abavuka.

Ubu bushakashatsi ku bijyanye n’imibonano mpuzabitsina bwatangajwe nk’intangiriro gusa ntiburasuzumwa n’abandi bashakashatsi.

Mu gihe kibanziriza Noheli, gukora imibonano mpuzabitsina biragabanyuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .