00:00:00 IGIHE NETWORK KN KINYARWANDA EN ENGLISH FR FRANCAIS

Ghana: Hatangiye iperereza kuri pasiteri wagaragaye asomana n’abanyeshuri b’abakobwa

Yanditswe na Rosine Ingabire
Kuya 17 Kanama 2021 saa 07:26
Yasuwe :
0 0

Itorero Angilikani muri Ghana ryatangaje ko ryatangiye iperereza ku makuru y’umwe mu bapasiteri baryo wagaragaye mu mashusho asomana n’abanyeshuri b’abakobwa biga mu ishuri nderabarezi.

George Dawson-Ahmoah wo muri Diyosezi ya Koforidua yabwiye BBC ko bateganya no guhumuriza abo bakobwa basomwe n’uwo mushumba.

Ku mbuga nkoranyambaga muri icyo gihugu hamaze iminsi zikwirakwizwaho amashusho y’uwo mushumba ahamagara abakobwa batatu ku ruhimbi, bamugera imbere bagakuramo udupfukamunwa twabo akabasoma.

Mu gihe yabasomaga, mu rusengero abandi banyeshuri bari bitabiriye ni ko bakomaga amashyi.

Abakoresha imbuga nkoranyambaga babyamaganiye kure, bavuga ko bidakwiriye ku muntu wihaye Imana imbere y’abanyeshuri.

Itorero Angilikani muri icyo gihugu ryatangaje ko uwo mushumba azahanwa hakurikijwe amahame n’amabwiriza agenga itorero.

Umushumba yagaragaye asoma abanyeshuri batatu mu materaniro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .