Elon Musk yahishuye gahunda ye yo kugeza abantu kuri Mars mu 2026

Yanditswe na Dufitumukiza Salathiel
Kuya 2 Gashyantare 2021 saa 08:10
Yasuwe :
0 0

Umunyemari wa mbere ku Isi ufite ikigo gikora ibyogajuru n’ubushakashatsi mu isanzure (Space X), Elon Musk, yatangaje ko icyo kigo gifite gahunda yo kugeza abantu ku mubumbe wa Mars bitarenze mu 2026.

Icyo gihe hazaba habura imyaka irindwi ngo Ikigo cy’Abanyamerika gikora ubushakashatsi mu Isanzure, NASA, nacyo cyoherezeyo abashakashatsi mu mushinga wacyo wiswe Artemis, ukubiyemo na gahunda yo kubanza kohereza umugore n’umugabo ku kwezi mu 2024.

Mu kiganiro Good Times Show cyaciye kuri CBS ku cyumweru tariki 31 Mutarama 2021, Musk yavuze ko afite intego yo kugeza iterambere n’imibereho by’ikiremwamuntu kuri Mars.

Ni umugambi yihaye kuba yagezeho mu myaka itanu n’igice iri imbere, nubwo uburyo icyogajuru kizajyayo kizifashisha bwiswe Starship butarategurwa neza kuko bukiri mu nyigo.

Musk yatangaje ko Starship iri mu nyigo yo kuzohereza icyogajuru cyifashishije ibikomoka kuri peteroli, akaba ari byo bikinozwa neza.

Yavuze ko kugeza ubu inyigo yerekana ko bizatwara amezi atandatu kugira ngo icyo cyogajuru kigere kuri uwo mubumbe bakunze kwita utukura, ariko bikaba bishobora no guhinduka kikahagenda ukwezi bitewe n’aho ikoranabuhanga rizaba rigeze icyo gihe.

Yavuze kandi ko nyuma y’icya mbere, buri nyuma y’imyaka ibiri hazajya hoherezwayo ikindi cyogajuru.

Uwo muherwe usanzwe anafite sosiyete ikora imodoka zikoresha amashanyarazi, Tesla, yavuze ko ubuzima kuri uwo mubumbe bugoranye ndetse hari ibyago byinshi byo kuba umuntu yahapfira cyane ko hitaruye Isi.

Ibyo ngo bizatuma hazabanza kubakwa ibikorwa byorohereza ikorwa ry’ ibyogajuru, urugomero rw’amashanyarazi n’ubuhinzi.

Elon Musk ashaka kugeza iterambere n'ibikorwa bya muntu kuri Mars mu 2026
Elon Musk akomeje kubaka ikoranabuhanga rizabashisha abantu kujya kuri Mars

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .