Kwamamaza

Coca Cola yatangiye gukora icupa rizajya rifata ‘selfie’

Yanditswe kuya 18-11-2016 saa 09:03' na IGIHE


Mu rwego rwo kureshya urubyiruko n’abana bato, uruganda rwa Coca-cola rwazanye agashya ko gukora icupa rizajya rifata ifoto (selfie) igihe umuntu arimo kunywa icyo kinyobwa ndetse iyo foto ukaba wayikuraho ukayisangiza abandi.

Urubuga C/net dukesha iyi nkuru rwatangaje ko iyo Camera izajya ifata ifoto igihe umuntu afashe icupa yarizamuye ku munwa akageza kuri degere 70.

Iryo cupa rizaba rifite aho gucomeka USB ukavanaho iyo foto maze ukaba wayoherereza inshuti kuri Instagram, Facebook,Snapchat n’ahandi.

Kugira ngo iryo cupa rifate ifoto ngo umuntu agomba kurifata mu buryo camera imwerekeraho bitaba ibyo igafotora akananwa n’amatama n’ahandi hatagaragaza neza igikorwa urimo cyo kunywa Coca Cola ,ikinyobwa gikunzwe cyane na benshi ku Isi.

Iri cupa ngo ryakozwe na kompanyi yitwa Gefen yamamaza ibikorwa bya Coca Cola mu rwego rwo gushishikariza abatuye igihugu cya Israel kwitabira kunywa iki kinyobwa mu gitaramo kigiye kuhabera.

Nubwo nta wahamya ko icyo kinyobwa kizakundwa kurushaho muri Israel cyangwa n’ahandi hose ku Isi ni agashya uru ruganda ruzanye.

Kugeza ubu ubuyobozi bwa Coca Cola ntacyo bwari bwatangariza itangazamukuru ku bijyanye n’iryo cupa.

Uruganda Coca Cola rwashinzwe n’umunyamerika John Pemberton, mu 1886 muri Amerika.

Hatangiye gukorwa icupa rifata ifoto ikaba yanakurwaho

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved