Kwamamaza

Canada: Bategetswe gutandukana nyuma y’imyaka 62 bamaze bashakanye

Yanditswe kuya 27-08-2016 saa 17:12' na Ntakirutimana Deus


Umugabo wo muri Canada w’imyaka 83 y’amavuko n’ umugore ufite 81 bamaze amezi umunani batandukanyijwe, ku buryo byabateye agahinda gakomeye kugeza ubwo bahura bose bagasesa amarira.

Wolfram Gottschalk n’umugore we Anita bamaranye imyaka 62 bashakanye, umugabo aba mu kigo kimwitaho ku bijyanye n’ubuzima nyuma yo kurwara indwara ya kanseri nkuko The Independent dukesha iyi nkuru yabitangaje.

Gottschalk yajyanywe muri icyo kigo giherereye ahitwa i Surrey mu ntara ya Colombie-Britannique muri Canada. Umugore na we atuye ahitwa i Morgan Heights aho akoresha iminota 30 kugira ngo agere aho umugabo we aba.

Ubwo burwayi bwatumye Gottschalk ajyanwa muri icyo kigo muri Mutarama 2016, nyuma yuko abaganga bamutegetse ko atagomba gusubira mu rugo, kuko yagombaga kwitabwaho mu buryo budasanzwe.

Uko gutandukana kwabateye agahinda gakomeye nkuko mwuzukuru wabo Ashley Bartyik aherutse kubitangaza akoresheje amafoto yabafotoye ubwo bahuraga. Ayo mafoto yayashyize ku rukuta rwe rwa Facebook, aho yavuze ko ari yo mafoto ya mbere yafotoye amuteye agahinda.

Ati “Buri gihe iyo babonanye bararira, maze bikanshengura umutima.”

Abashinzwe ubuzima mu kigo cya Fraser Health, Gottschalk abamo bavuze ko barimo gukora ibishoboka byose ngo asange umugore we aho atuye, umuryango wo ukaba ufite impungenge ko bashobora gupfa batagize ayo mahirwe.

Wolfram Gottschalk n’umugore we Anita bamaranye imyaka 62 bashakanye bategetswe gutandukana, iyo bahuye bararira

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved