Byinshi ku ntare zo muri Afurika, umwami w’ishyamba utaribamo

Yanditswe na Iradukunda Serge
Kuya 22 Kamena 2019 saa 10:27
Yasuwe :
0 0

Intare inyamaswa ni itinywa na benshi kugeza no ku batarayibona. Imiryango myinshi ku isi iyifata nk’ikimenyetso cy’ubuhangage kugeza naho bamwe bayiyitirira cyangwa bakayitirira abana babo, ibihugu yabo cyangwa amakipe y’ibihugu byabo.

Twagushakishirije byinshi ukwiriye kumenya kuri iyi nyamaswa y’inkazi, cyane cyane iziboneka muri Afurika dore ko ariho usanga ibyanya byisanzuye zirambagiramo uko zishatse.

Intare zo muri Afurika nizo za mbere nini mu bwoko bw’injangwe nini

Intare zo muri Afurika nizo nini mu bwoko bw’inyamaswa z’injangwe nini za Afurika, zikaba iza kabiri nini mu muryango w’izitwa Felidae nyuma y’igisamagwe.
Intare y’ingabo igihagararo (kuva ku ijanja kugera ku rutugu) cya metero 1.2, igapima ibiro hagati ya 150 – 225.

Intare y’ingore yo igira igihagararo cya metero imwe, igapima ibiro biri hagati ya 110 – 152

Zifite ubushobozi bwo kuba ahantu hose

Intare zishobora kuba ahantu hose icyakora ubu ziboneka cyane muri Afurika yo munsi y’ubutayu bwa Sahara no muri Aziya.

Nubwo intare yititirwa umwami w’ishyamba ntiribamo, intare zikunze kuba mu mukenke, mu bihuru binini no mu butayu ariko mu ishyamba ry’inzitane, ahantu hakonja ntabwo zikunze kuhaba.

Ibara ry’ntare

Intare ziba mu bice bikonja zikunze kugira ubwoya bwirabura. Izo uzisanga mu bice byo munsi y’ubutayu bwa Sahara nka za Namibia no mu bice by’ubutayu bwa Kalahari. Intare ziba ahantu hashyuha zigira ubwoya bwerurutse.

Zirasabana

Intare niyo nyamaswa isabana mu muryango wizo bita injangwe nini (big cat family). Intare zibaho mu matsinda aho zishobora kubana zigera kuri 25, ingano yiri tsinda ishobora kuba nto cyangwa nini bitewe n’agace cyangwa ingano y’umuhigo uboneka.

Iri tsinda rishobora kugirwa n’intare z’ingabo kuva kuri imwe kugeza kuri enye mu gihe iz’ingore zishobora kuba nyinshi ariko hakaba harimo imwe iyoboye izindi ndetse hakabamo n’intare nto n’ibibwana.

Akenshi intare z’ingore zigize umuryango ziba zifite icyo zipfana, ibi biterwa nuko zo zitajya ziva mu muryango mu iz’ingabo iyo zimaze gukura zirukanwa n’umukuru w’itsinda zikajya gushinga umuryango wazo.

Gushinga umuryango

Nk’uko bigaragara hejuru intare y’irukanwe mu muryango igenda intera nini ishaka izindi ngabo nazo zirukanwe ngo bitangire umuryango mushya cyangwa zigire undi zigarurira. Iyo zimaze kubona umuryango zijyamo zica ibibwana byose zihasanze ubundi zikabangurira ingore zisanzemo kugira ngo zitangire umuryango ugizwe n’amaraso yazo.

Guhiga

Buri muryango w’intare ugira umuhigo ukunda kurusha undi ariko kubera intare itajya ipfa kureka ngo umuhigo uyicike uko waba umeze kose bituma irya inyamaswa zitandukanye zinganjemo inini nk’ Imparage, Imbogo, inzovu nto n’imvubu dore ko mu gihe umuhigo wabonetse ari mwinshi ishobora kurya ibingana na 15% by’ibiro byayo.

Intare ishobora kumara ibyumweru bibiri itaranywa amazi ikabaho kubera ubuhehere ikura mu maraso y’izindi nyamaswa iba yariye.

Intare z’ingore nizo zikunze guhiga ariko ingabo zikarya mbere.

Intare zishobora kuba ahantu hose icyakora ubu ziboneka cyane muri Afurika yo munsi y’ubutayu bwa Sahara no muri Aziya.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza