00:00:00 IGIHE NETWORK KN KINYARWANDA EN ENGLISH FR FRANCAIS

Bwa kabiri mu myaka hafi ibiri, Perezida Paul Biya yagaragaye yambaye agapfukamunwa

Yanditswe na Umutoni Rosine
Kuya 17 Kanama 2021 saa 11:55
Yasuwe :
0 0

Perezida wa Cameroun udakunze kugaragara yambaye agapfukamunwa, yatunguye benshi ubwo yasubiraga mu gihugu cye kuri uyu wa Mbere akambaye.

Ni ku nshuro ya kabiri kuva Coronavirus yakwibasira Isi, Perezida Biya agaragaye yambaye agapfukamunwa.

Uyu mukambwe w’imyaka 88, yambaye agapfukamunwa ubwo yasubiraga mu gihugu cye avuye mu biruhuko mu Busuwisi. Yari kumwe n’umufasha we Chantal Biya na we wari wambaye agapfukamunwa.

BBC yatangaje ko Perezida Biya yaherukaga kwambara agapfukamunwa mu rupfu rwa mushiki we, mu Ugushyingo umwaka ushize, ari na bwo bwa mbere yari abikoze.

Kutambara agapfukamunwa kwa Biya mu ruhame ntikwavuzweho rumwe muri Cameroun, mu gihe inzego z’ubuzima zirirwa zikangurira abaturage kukambara.

Imbere ya hotel yo Busuwisi aho Biya yari amaze iminsi mu biruhuko, hashize iminsi hari abanya-Cameroun bigaragambya bamusaba gusubira mu gihugu, aho gupfusha ubusa umutungo w’igihugu.

Paul Biya yagaragaye yambaye agapfukamunwa ubwo yasubiraga mu gihugu cye avuye mu biruhuko mu Busuwisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .