Kwamamaza

Bamwe mu bashakanye badukanye umuco wo gucana inyuma bisunze ikoranabuhanga

Yanditswe kuya 11-11-2016 saa 13:38' na Umutoni Rosine


Hari abamaze gushinga ingo basigaye baradukanye umuco wo gushakira inshuti ku mbuga nkoranyambaga biyita ingaragu, bagamije kwimara irari ry’umubiri.

Ku rubuga nkoranyambaga rushakira abantu abakunzi haherutse kugaragara izina ry’umugabo uzwi n’abaruriho, ufite umugore n’abana avuga ko ari ingaragu ishaka umukunzi bazabana akaramata.

Kubera ko yari yashyizeho nimero za telefoni umwe (umugore)yaramuhamagaye yahinduye ijwi ntiyabasha kumumenya, ni uko amubwira ko yifuza kumubera umukunzi. Ntiyazuyaje yamuhaye gahunda bumvikana ko bari buhurire muri risitora imwe yo mu Mujyi wa Kigali. Umugabo akubise amaso wa mugore bari basanzwe baziranye akubitwa n’inkuba amusaba kumubikira ibanga, aboneraho no kumubwira icyatumye yiyita ingaragu.

Yagize ati “Umugore wanjye ahora mu bana iyo mushatse simubona. Mu by’ukuri nishakiraga umukobwa twazajya turyoshya gusa. Iyo mvuga ko ndi umugabo ufite umugore sinari kugera ku cyo nifuzaga. Ndakwinginze uzambikire ibanga.”

Yakomeje amubwira ko ari bagenzi be(abagabo bafite abagore) bamugiriye inama yo gushakira ihabara ku mbuga zishakira abantu abakunzi ngo kuko ari ho basigaye baboneka bitagoranye.

Yakomeje agira ati “Niho abagabo basigaye bakura abagore cyangwa abakobwa bajijutse babamara irari ry’umubiri kandi nta kiguzi bisaba kuko umugabo cyangwa umugore ujya gushakira umukunzi kuri ziriya mbuga aba afite ikibazo mu rushako. Abagore na bo bajya hariya ni uko hari icyo baba bakeneye. Maze kuhamenyanira n’abagore batatu baba biyise abakobwa.”

Yakomeje avuga ko umwe mu bagore bahahuriye bamaranye igihe bari mu munyenga w’urukundo.

Ati “Twamaranye umwaka wose tumarana irari ry’umubiri, twatandukanye agiye hanze, uwa kabiri nawe ni umugore yari afitanye ikibazo n’umugabo we twahuje urugwiro biratinda tuza gutandukana kubera ko yansabaga ko dukora imibonano mpuzabitsina nta gakingirizo.”

“Uwa gatatu ninjye wamuretse kubera ko yari atangiye kumenyera akajya ansaba amafaranga cyane, anampamagara mu masaha ndi iwanjye. Icyo nakubwira ni uko n’abo bagore bose bari bariyise ingaragu, hari n’uwavugaga ko uwo bakundanaga yamuhemukiye, nanjye niyita umusore uzamuhoza.”

Bamwe mu bashakanye bumva ko ubuhehesi cyangwa guca inyuma uwo bashakanye atari ikosa, nyamara ni imwe muri nyirabayazana w’amakimbirane yo mu muryango, ubukene, indwara zandurira mu mibonano mpuzabitsina harimo na virusi itera Sida.

Bamwe mu bagabo n'abagore basigaye bifashisha internet mu guca inyuma abo bashakanye/ photo: Internet

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved