Kwamamaza

Azalea, inguge inywa nibura ipaki y’itabi ku munsi​

Yanditswe kuya 30-11-2016 saa 10:13' na Mukaneza M.Ange


Muri Koreya ya Ruguru hashyizwe hanze amafoto n’amashusho y’inguge yitwa Azalea itumura itabi mu buryo budasanzwe ku buryo ku munsi ishobora kumara ipaki yose.

Iyi nguge y’ingore ifite imyaka 19 iba muri Pariki Nkuru y’inyamaswa muri Koreya ya Ruguru iherereye mu Mujyi wa Pyongyang.

Ibiro Ntaramakuru by’Abanyamerika, AP, bivuga ko iyi nguge ifite ubushobozi bwo kwicanira ikibiriti no gukongeza itabi ubundi igatangira kuritumura.

N’ubwo nta muntu uzi igihe Azalea yaba yaratangiriye kunywa itabi, abarinzi b’iyi Pariki bakekwaho kuba aribo bayibyigishije bagamije gukurura abayisura.

Mu gihe abasura iyi Pariki biyongera umunsi ku munsi kubera uku gutumira agatabi kwa Azalea, amashyirahamwe agamije kurengera inyamaswa yo yatangiye kubyamagana agaragaza ko ari ukuyibuza uburenganzira bwayo.

Hari amakuru avuga ko kandi atari ubwa mbere iriya pariki Azalea ibarizwamo ivuzweho ibikorwa byo gufata nabi inyamaswa ziyirimo, aho zikoreshwa ibikorwa bibangamira ubuzima bwazo mu rwego rwo gushimisha abayisura.

Muri iyi pariki kandi ngo habarizwa indi nguge izi gukina Basket, imbwa zizi gusubiza ibibazo by’imibare n’izindi nyamaswa zikora ibintu bitangaje.

Ikibazo nk’icyo iyi nguge yitwa Azalea ifite cyaherukaga kugaragara mu 2015 muri Pariki ya Tianshan mu Bushinwa, mu 2013 kandi byagaragaye ku yindi nguge yitwa Shirley yabaga muri Malaysia.

Azalea niyo yifasha gucana itabi mbere yo gutangira kuritumura
Azalea ishobora kunywa ipaki y'itabi ku munsi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved