Kwamamaza

Autriche:Ingurube zihereranye inka zirayonka

Yanditswe kuya 19-08-2016 saa 17:46' na Gonzalde Nshimiyimana


Ntibisanzwe ko inyamaswa zidahuje ubwoko zigirirana urugwiro kugeza n’aho zimwe zakwigomwa icyagatunze izizikomokaho zikagiha izindi bidafitanye isano.

Umworozi w’inka muri Autriche, Hans Gumpitsch, yavuze ko kubera impuhwe nyinshi n’urugwiro inka zigira usanga zemerera n’utundi tunyamaswa tukazikoraho icyo twishakiye harimo no konka.

Nyuma y’igihe uyu mworozi atabona umukamo nk’uwo yabaga yiteze,yaje gushyira avumbura ko byaterwaga n’ingurube eshatu zamwonkeraga inka.

Yagize ati‟Sinashoboraga kuvumbura igituma inka zanjye zidatanga umukamo uhagije mu gihe cy’impeshyi, naje kubona ifoto y’iryo tungo rigufi ryonka inka yafashwe n’abakerarugendo banyuraga hafi y’urwuri rw’inka zanjye.”

Izi ngurube z’umuyobozi w’agace ka Nußdorf Debant ko mu majyepfo ya Australia, Gaimberg Bernhard, ziberaga ku gasozi igihe cy’impeshyi cyose, nk’uko The Independent yabitangaje.

Umworozi w’izi nka yatangaje ko icyatumye zino ngurube zibasha konka ni uko zabikoranaga ubwitonzi.

Yagize ati ‟Iyo ziza kuyiruma cyangwa kuyikurura cyane, iba yaraziteye umugeri.”

Yakomeje avuga ko iyo utwo tubwana tw’ingurube tw’amezi umunani twamaraga kwijuta amata twahitaga twiryamira tugatuza.

Kuva icyo gihe kugeza n’ubu uru rwuri rw’uyu mworozi Gumpitsch, rwahise ruhinduka ahantu hakurura ba mukerarugendo baba abaturuka hanze y’igihugu ndetse n’abatuye muri ako gace mu rwego rwo kwihera ijisho ahabereye iryo bara.

Ingurube zagaragaye zonka inka muri Autriche

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved