Kwamamaza

Amerika: Yavumbuye ko umugore we amuca inyuma yifashishije Drone

Yanditswe kuya 24-11-2016 saa 13:09' na Tombola Felicie


Umugabo witwa John utuye muri Pennsylvannie muri Leta Zunze Ubumwe za Amerika yahoranaga igishyika cy’uko umugore we yaba amuca inyuma maze kugira ngo akureho ingingimira ahitamo kumufata amashusho akoresheje indege nto itagira abapilote, drone.

Inkuru y’urubuga 7sur7 ivuga ko John akimara gukeka umugore we yatangiye kumukurikirana ariko asanga aba agiye ku kazi.

Nyuma yaho yaje kwigira inama yo gukurikirana inzira anyuramo ava ku kazi, akoresheje drone, ndetse aza no gufata amashusho.

John ngo yabonye umugore we aretse inzira imucyura mu rugo ahubwo anyura indi, aho yahuriye n’umugabo babanje gusomana mbere yo kumushyira mu modoka baragenda nk’uko amafoto ya Drone yabyerekanye.

Nyuma y’iminsi ibiri amwifatiye akoresheje Drone, John yeretse umugore we ayo mashusho maze umugore atangira kurira karahava.

Umugabo we yamusendeye mu ruhame avuga ko batakongera kubana nubwo bari bamaranye imyaka 18 babana nk’umugore n’umugabo ndetse n’ayo mashusho ayashyira kuri Youtube.

John ati "Ibyo kubana kwanjye na we birarangiye, n’iyo namubabarira yajya atinda nkumva ko ari ibyo yagiyemo cyangwa nanjye nkajya mpora mbitekerezaho.”

Yakomeje agira ati “Nkunda abana banjye n’umugore wanjye ariko sinashobora kubakira hejuru y’iryo kosa.”

Aya mashusho yafashwe na John agaragaza uburyo yabonye umugore we amuca inyuma akoresheje drone, yayashyize kuri youtube tariki ya 14 Ugushyingo 2016, kuri ubu imaze kurebwa n’abasaga miliyoni icyenda.

John yamenye ko umugore we amuca inyuma akoresheje ikoranabuhanga rya Drone
Aya mashusho agaragaza umugore wa John ahura n'undi mugabo, mbere y'uko amutwara mu modoka ye

John asobanura uburyo yamenye ko umugore we amuca inyuma akoresheje amashusho ya Drones


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved