Abashakashatsi bo muri Israël babashije gukora inyama hifashishijwe ’3D Printer’

Yanditswe na IGIHE
Kuya 10 Gashyantare 2021 saa 03:33
Yasuwe :
0 0

Bisanzwe bimenyerewe ko kugira ngo abantu barye inyama hagomba kugira itungo ribigwamo, gusa muri Israël hifashishijwe ikoranabuhanga habonetse ubundi buryo abantu bashobora kubona akaboga bitabaye ngombwa ko hagira itungo ribagwa.

Iyi nyama yakozwe n’Ikigo gisanzwe gitunganya ibyo kurya hifashishijwe ikoranabuhanga, Aleph Farms, ku bufatanye n’Ishami ryigisha ibijyanye n’ubuzima muri Israel Institute of Technology.

Iyi nyama yakozwe hifashishijwe utunyangingo tw’inka twabitswe ahantu tugafashwa gukomeza gukura ndetse n’uburyo bwo gukora no gusohora umubiri karemano w’ikinyabuzima buzwi nka ‘Bioprinting’.

Iyi nyama umuntu ayirebye byagoranya ko ayitandukanye n’izisanzwe ziva ku matungo yabazwe.

Mu itangazo Aleph Farms Ltd yashyize hanze yavuze ko iyi nyama ikoze mu buryo bw’ikoranabuhanga ntabwo itandukaniye n’izindi abantu basanzwe bazi zikomoka ku matungo.

Ati “Igizwe n’imikaya n’ibinure kimwe na ngenzi zayo zituruka ku matungo yishwe, kandi mu miryohere ni kimwe n’izindi ushobora kugurira mu ibagiro.”

Umwihariko w’iyi nyama ni uko icyanga n’intungamubiri ibisangiye n’izisanzwe zituruka ku matungo gusa yo ikagira umwihariko w’uko iboneka nta tungo ryishwe, ibintu byitezweho kugabanya umubare w’amatungo yabagwaga uko abakunda iri funguro bagendaga barushaho kwiyongera.

Aleph Farms yatangaje ko kugeza ubu ikoranabuhanga ifite riyemerera gukora inyama zitandukanye, mu mwaka ushize yari yatangaje ko izi nyama ikora yitegura kuzigeza ku isoko ryo mu Buyapani.

Iyi nyama yakozwe hifashishijwe ikizwi nka 3D Printer kigenda gisohora ibice bitandukanye mu busanzwe biba bigize inyama
Iyi niyo nyama yakozwe hifashishijwe ikoranabuhanga, abayikoze bemeza ko ntaho itandukaniye n'izisanzwe ziva ku matungo yabazwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .