Abashakashatsi batanze ikigereranyo cy’igihe igikorwa cyo gutera akabariro kimara

Yanditswe na IGIHE
Kuya 7 Ukuboza 2017 saa 11:09
Yasuwe :
0 0

Nubwo umwanya igikorwa cyo gutera akabariro kimara ugenda utandukana bitewe n’abantu, abashakashatsi bo muri Kaminuza ya Utrecht mu Buholandi bemeje ko igihe kigereranyije ari iminota 5,4.

Nk’uko batangaje ibyavuye mu bushakashatsi bwabo babinyujije ku rubuga Doctissimo ngo guhera igikorwa cyo kwinjira mu gikorwa kugeza mu gihe cyo kurangiza, igihe nyacyo kigereraranyije ni iminota 5.4.

Ni ubushakashatsi bwakorewe ku bantu 500 bashakanye bo mu mpande zitandukanye z’isi, bagiye babara igihe igikorwa cyo gutera akabariro kibatwara bikorwa mu byumweru bine.

Kugira ngo bataza kwibeshya baheraga ku isegonda ryo kwinjira mu gikorwa (penetration) bakandaga ku mashini igatangira kubara maze igikorwa cyo kurangiza cyabaho bagakanda ku mashini igahagarara.

Basanze umwanya iki gikorwa gitwara utandukanye bitewe n’abantu n’abandi, abantu bamaze umwanya muto cyane ni amasegonda 33 na ho abamaze umwanya munini cyane ni iminota 44.

Nubwo abo bashakashatsi basanze igihe kigereranyije ari iminota 5.4 ntabwo bemeza ko ari cyo gihe ntarengwa.

Ikindi bagaragaje ni uko gukoresha agakingirizo bitagira icyo bihungabanya ku mwanya nyirizina icyo gikorwa cyagombaga gutwara, ndetse no kuba waba usiramuye cyangwa udasiramuye ntacyo bihindura.

Gusa basanze imyaka y’ubukure ibigiramo uruhare kuko ku bantu bakiri bato icyo gikorwa kimara umwanya munini ugereranyije no ku basatira ubusaza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza