Ababikira babiri basezeye ibyo kwiha Imana, bahitamo kubana nk’abashakanye

Yanditswe na Kanamugire Emmanuel
Kuya 3 Ukwakira 2016 saa 11:14
Yasuwe :
0 0

Ababikira babiri bo mu Butaliyani bahisemo gusezera mu byo kwiha Imana bashyira ku mugaragaro urukundo rwari hagati yabo ndetse basezerana kubana nk’abashakanye byemewe n’amategeko.

Federica w’Umutaliyani na Isabel w’Umunya-Colombia bombi b’imyaka 44 y’amavuko, bahuriye muri Afurika mu myaka itatu ishize, ubwo bakoraga mu kigo cyita ku bantu babaswe n’ibiyobyabwenge.

Nyuma y’igihe kirekire bahisha ibyo urukundo rwabo muri uyu mwaka wa 2016 bahisemo gusesa isezerano bari bafitanye na Kiliziya gatolika.

Ku wa Gatatu w’icyumweru gishize nibwo aba bagore basezeranye imbere y’amategeko mu gace ka Pinerolo gaherereye mu majyaruguru y’u Butaliyani.

Ubukwe bwabo bwabaye ubwa kabiri bw’abatinganyi bubereye muri aka gace kuva itegeko ribemerera kubana ryajyaho muri Gicurasi 2016.

Ikinyamakuru la Stampa kivuga ko mu butumwa bwabo aba bagore bahoze ari abihayimana bahamagariye Kiliziya Gatolika kwakira abantu bose bakundana kuko Imana ihora yifuza ko abantu bishima, bakabaho badahisha urukundo rwabo.

Aba bagore basezeranye kwibanira nk’abashakanye mu gihe Kiliziya yarwanyije gushyingiranwa byemewe n’amategeko hagati y’abantu bahuje ibitsina.

Itegeko ryemerera abatinganyi gushyingiranwa imbere y’amategeko mu Butaliyani ribaha uburengenzira nk’ubuhabwa umugabo n’umugore ukuyemo kuba bajya gusaba umwana bakamurera.

Umwana bemerewe kuba bahabwa bakamurera ni uwavutse ndetse akanarererwa mu muryango w’abantu babana bahuje ibitsina.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza