IGIHE.com > Amakuru > U Rwanda
Urubanza rwa Léon Mugesera rwongeye kwimurirwa umunsi

Urubanza rwa Léon Mugesera rwongeye kwimurirwa umunsi


Yanditswe kuya 30-01-2013 - Saa 12:33' na Faustin Nkurunziza

Nyuma y’aho ku munsi w’ejo Urukiko rutesheje agaciro urupapuro rwasabaga ko Dr Léon Mugesera afata ikiruhuko kuva kuwa 29 kugeza 30 Mutarama 2013, bitewe n’uko rutari rwujuje amategeko, Urukiko rugategeka ko urubanza rukomeza uyu munsi, nabwo Mugesera ntiyitabye Urukiko.

Urukiko rumaze kwanga urupapuro rwari rwanditswe n’umuganga wo ku bitaro bya Muhima, rwandikishije intoki hatariho kashi y’Ibitaro, Me Rudakemwa Jean Felix wunganira Mugesera mu mategeko, yaraye yohereje urupapuro rwa muganga rwujuje ibisabwa.

Uyu munsi Urukiko rwari rwemeje ko urubanza rukomeza, Me Rudakemwa yabwiye Urukiko ko Mugesera arwaye bikomeye, ndetse ko umuyobozi mukuru wa Gereza, yamubwiye ko ari bumwohereze kujya kwivuriza ku bitaro bikuru byitiriwe Umwami Faisal.

M. Rudakemwa akomeza avuga ko uwo yunganira asaba ikiruhuko cy’uburwayi kugeza ku wa mbere taliki 04 Gashyantare, kuko ari bwo azaba yiyumva neza ko abasha kuburana.

Ubushinjacyaha bwavuze ko ibyo Mugesera avuga nta gaciro, kuko ari we ubyisabira nta muganga wamupimye ngo abyemeze ko yahabwa ikiruhuko cy’iminsi ine.

Urukiko rwategetse ko urubanza rusubikwa rukazasubukurwa ejo ku wa 31 Mutarama saa mbiri n’igice, atakwitaba, akazana impapuro zemewe na mugana wa Leta zivuga icyo arwaye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO