IGIHE.com > Amakuru > U Rwanda
Ukekwaho kurasa umucucuruzi Habimana yatawe muri yombi

Ukekwaho kurasa umucucuruzi Habimana yatawe muri yombi


Yanditswe kuya 17-01-2013 - Saa 16:10' na Isaïe MBONYINSHUTI

Mu rukerera rwo kuri uyu wa kane tariki ya 17 Mutarama 2013, Polisi yataye muri yombi uwitwa Harerimana Eric ukekwaho kuba yararashe umucuruzi Habimana Sosthène.

Habimana Sosthène yishwe arashwe ku mugoroba wo ku wa 15 Mutarama 2013 mu karere ka Burera.

Yararashwe mu ma saa moya z’umugoroba ari mu modoka ye yo mu bwoko bwa FUSO, yari ipakiye amasaka avuye ku mupaka ugabanya wa Cyanika ugabanya u Rwanda na Uganda yerekeza mu mujyi wa Musanze.

Umucuruzi watanze amafaranga ngo Habimana yicwe yambaye umupira w'umukara, uwarashe yambaye ishati yumweru, imbunda niyo berekekanye bakoresheje muri uwo mugambi mubisha

Harelimana avuga ko yamurashe abitumwe n’umucuruzi mugenzi we amusezeranyije ko amuha amafaranga ibihumbi 800 (800,000frw).

Harelimana avuga ko uwamutumye kwica Habimana, byaturutse ku makimbirane abo bacuruzi bombi bari bafitanye.

Umuvugizi wa Polisi y’u Rwanda mu Ntara y’Amajyaruguru, Spt Francis GAHIMA, yadutangarije ko abishe uwo mucuruzi nibahamwa n’icyaha bazahanwa hakurikijwe ingingo y’140 yo mu gitabo cy’amategeko ahana mu Rwanda ivuga ko kwica umuntu ubishaka bihanishwa igifungo cya burundu.

Harelimana yari umuturage wo mu Murenge wa Shingiro mu Karere ka Musanze.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO