Kwamamaza Tigo_ digital garden

U Rwanda rwatangiye imirimo mu kanama k’Umutekano ka Loni

Yanditswe kuya 1-01-2013 saa 15:07' na James Habimana
     


Ku itariki ya mbere Mutarama 2013, u Rwanda rwatangiye imirimo mu kanama gashinzwe umutekano ku isi nk’umunyamuryango udahoraho mu gihe cy’imyaka ibiri, nyuma yo gotorerwa uyu mwanya ku itariki ya 18 Ukwakira 2012.
Kwinjira muri aka kanama byatangiranye n’umwaka wa 2013, U Rwanda rukazaba umunyamuryango kugeza mu mwaka wa 2014.
Ubwo rwatorerwaga uyu mwanya Minisitiri w’ububanyi n’amahanga Mushikiwabo Louise yatangaje ko gutorwa ari ibintu byifujwe igihe kirekire, kandi ko ari uburyo bwo (...)

Ku itariki ya mbere Mutarama 2013, u Rwanda rwatangiye imirimo mu kanama gashinzwe umutekano ku isi nk’umunyamuryango udahoraho mu gihe cy’imyaka ibiri, nyuma yo gotorerwa uyu mwanya ku itariki ya 18 Ukwakira 2012.

Kwinjira muri aka kanama byatangiranye n’umwaka wa 2013, U Rwanda rukazaba umunyamuryango kugeza mu mwaka wa 2014.

Ubwo rwatorerwaga uyu mwanya Minisitiri w’ububanyi n’amahanga Mushikiwabo Louise yatangaje ko gutorwa ari ibintu byifujwe igihe kirekire, kandi ko ari uburyo bwo kuvugira umugabane wa Afurika no gukomeza kugaragaza imikoranire myiza hagati ya Afurika n’aka kanama.

Yagize ati “Kujya muri aka kanama gashinzwe umutekano ku isi u Rwanda rwari rwarabyifuje kuva mbere. Turifuza ko twakomeza gutanga umusanzu cyane cyane no kurinda amahoro ku isi.”

Akanama gashinzwe umutekano mu Muryango w’Abibumbye kagizwe n’ibihugu 15, bitanu byonyine bikaba ari byo bifite icyicaro gihoraho. Ni u Bufaransa, Leta Zunze Ubumwe za Amerika, u Bwongereza, u Burusiya n’u Bushinwa. Ibindi 10 bisigaye bisimburana kuri uyu mwanya buri uko imyaka ibiri ishize.

Uyu mwanya u Rwanda rwatorewe rwawusimbuyeho igihugu cya Afurika y’Epfo rutowe n’ibihugu 148 ku 192 byatoye.

U Rwanda rwaherukaga mu kanama k’umutekano ka Loni mu mwaka w’1994, ubwo leta y’icyo gihe yawukoresheje mu kugaragaza ko nta kibazo kiri mu Rwanda nyamara Abatutsi bagakorerwa Jenoside kuva muri Mata uwo mwaka.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved