IGIHE.com > Amakuru > U Rwanda
Rwamagana: Yambuwe ubuzima kubera inkwi

Rwamagana: Yambuwe ubuzima kubera inkwi


Yanditswe kuya 30-12-2012 - Saa 08:58' na James Habimana

Polisi y’Igihugu mu karere ka Rwamagana, yataye muri yombi Hakizimana Jean Damascene imukekaho kwica umwana w’imyaka 12 ubwo yamusangaga atora inkwi mu rwuri rwe.

Urubuga rwa Polisi ruratangaza ko ubwo Nzayisenga Fabrice yari yagiye gushaka inkwi mu ifamu ya Hakizimana nyir’isambu yamusanzemo atangira kumubwira nabi.

Nzayisenga ngo yagerageje guhunga ntibyamuhira, kuko yakubiswe igiti mu mutwe agakomereka. Nyuma ngo bamujyanye mu bitaro bya Rwamagana, ariko hadashize igihe kinini arapfa.

Uhagarariye Polisi mu karere ka Rwamagana CIP Richard Rubagumya, yasabye abatuye aka karere ndetse no mu Rwanda muri rusange kwirinda gukora ibikorwa nk’ibi by’ubugome, ahubwo bakajya begera inzego z’ubuyobozi kugira ngo zibafashe kubikemura.

Itegeko nomero 157 ryo mu mategeko ahana y’u Rwanda riteganya ko umuntu wese ukoze igikorwa kivamo urupfu ku buryo butunguranye ahanishwa igifungo cy’amazi atandatu kugeza ku myaka ibiri, n’ihazabu y’ibihumbi 500 kugera kuri miliyoni ebyiri z’amafaranga y’u Rwanda.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO