IGIHE.com > Amakuru > U Rwanda
RAB ivuga ko Amajyepfo akiri inyuma mu guhuza ubutaka

RAB ivuga ko Amajyepfo akiri inyuma mu guhuza ubutaka


Yanditswe kuya 24-01-2013 - Saa 12:22' na Marie Chantal Nyirabera

Umuyobozi wungirije w’ikigigo cyo guteza imbere ubuhinzi n’ubworozi mu Rwanda (RAB) Musabyimana Innocent, atangaza ko mu ntara zose z’u Rwanda iy’Amajyepfo ari yo iri inyuma mu gushyira mu bikorwa gahunga yo guhuza ubutaka hahingwa igihingwa kimwe kiberanye n’agace runaka.

Ibi arabitangaza mu gihe abaturage bo mu Karere ka Huye mu Murenge wa Kinazi bagihinga mu bburyo bwa kera bwo kuvanga imyaka.

Aba bahinzi bavuga ko n’ubwo gahunda nshya igaragara neza ntacyo bumva bibabwiye guhinga ibigori, ibishyimbo, ibijumba n’ inyumbati mu murima umwe. Bavuga icyakora ko guhuza ubutaka no guhinga ibihingwa bimwe ari byiza, ariko ngo ntibarabigeraho. Mu bishanga gusa ngo ni ho bagerageza guhinga igihingwa kimwe.

Mukabera Yozefa utuye mu Kagari ka Sanzure, avuga ko imusozi bahinga uko bisanzwe bagahinga imbuto bafite.

Uwitwa Nyiraminani, na we ni umwe mu baganiriye na IGIHE. Avuga ko gahunda yo guhuza ubutaka imusozi itaratera imbere.

Iby’iki kibazo byemezwa na Musabyimana Innocent, watangarije IGIHE ko Intara y’Amajyepfo iri inyuma mu guhuza ubutaka bigatuma ubutaka budatanga umusaruro mwinshi wafasha abahinzi kwitunga ngo unahunikwe mu rwego rwo kwiteganyiriza. Asaba abatuye iyi ntara kongera ingufu muri iyi gahunda.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO