IGIHE.com > Amakuru > U Rwanda
Pologne irashima umubano ifitanye n’u Rwanda

Pologne irashima umubano ifitanye n’u Rwanda


Yanditswe kuya 17-01-2013 - Saa 17:41' na Faustin Nkurunziza

Umunyamabanga wa Leta muri Minisiteri y’Ububanyi n’Amahanga ya Pologne, Katarzyna Pelczynska,n’itsinda ayoboye bagiranye ibiganiro n’ Umunyamabanga muri Minisiteri y’Ububanyi n’Amahanga y’uRwanda Mary Baine, ashima umubano mwiza uri hagati y’ibihugu byombi.

Mu mubano ushimwa, Pologne isanzwe itera inkunga u Rwanda mu burezi, kongerera ubumenyi abanyeshuri bajya kwiga mu cyiciro cya gatatu cya Kaminuza (Masters) n’iy’ikirenga (Phd), igatera inkunga ishuri ry’abatabona rya Kibeho mu Karere ka Nyaruguru mu Ntara y’Amajyepfo.

Katarzyna n’itsinda ayoboye yashimye ibikorwa igihugu cye giteramo inkunga u Rwanda, n’uburyo rworohereza abashoramari gushora imari yabo mu Rwanda, na gahunda nziza y’imbaturabukungu rwihaye yo guteza imbere abaturage (EDPRS).

Mary Baine yashimiye Katarzyna n'itsinda bazanye baturutse muri Pologne

Katarzyna yagize n’amatsiko yo kumenya uruhare rw’u Rwanda mu gufasha Uburasirazuba bwa Congo Kinshasa kugira amahoro, Mary Baine, amusobanurira neza uburyo mbere y’uko ibiganiro hagati ya Leta ya Congo n’umutwe wa M23 bitangira i Kampala muri Uganda, u Rwanda rwagiye ruhurira hamwe n’ibindi bihugu byo mu karere mu gushakira umuti icyo kibazo cy’intambara.

Katarzyna Pelczynska yanyuzwe n’ibisobanuro, anasaba u Rwanda ko rwazabashyigikira mu myaka ibiri iri imbere ubwo bazaba biyamamariza kujya mu kanama ka Loni gashinzwe umutekano ku isi babaha ijwi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO