IGIHE.com > Amakuru > U Rwanda
Perezida Paul Kagame  arasura abaturage ba Nyamasheke na Rusizi

Perezida Paul Kagame arasura abaturage ba Nyamasheke na Rusizi


Yanditswe kuya 16-01-2013 - Saa 11:15' na Olivier Rubibi

Guhera kuwa Kabiri tariki ya 15 Mutarama, Perezida wa Repubulika Paul Kagame aragirira uruzinduko mu ntara y’Uburengerazuba, mu turere twa Nyamasheke na Rusizi.

Kuri uyu wa Gatatu arahura n’abaturage batuye Akarere Nyamasheke, ku kibuga cy’umupira cya EAV Ntendezi, giherereye mu murenge wa Ntendezi, Akagari ka Ntendezi, Umudugudu wa Kacyiru.

Kuwa Kane 17 Mutarama 2013 Perezida azaba ari mu karere ka Rusizi, aho azasura uruganda rwa Cimerwa rutunganya sima (Ciment) ndetse ashyire n’ibuye ry’ifatizo aho uru ruganda ruzagurirwa. Azasura kandi SODAR, Sosiyete iteza imbere ibikomoka ku buhinzi n’ubworozi.

Ku munsi wa nyuma w’uruzinduko rwe, Perezida Paul Kagame azahura n’abaturage bose kuri Sitade ya Kamembe.

Abaturage bateguye kwakira Perezida

Ku kibuga cya EAV Ntendezi muri iki gitondo hateraniye abaturage basaga ibihumbi 37.

Bamwe mu baturage baje kwakira umukuru w'igihugu ku kibuga cy'i Ntendezi

Hakizimana Laurent waje aturutse mu murenge wa Nyabitekeri, mu karere ka Nyamasheke witeguye kwakira Perezida, avuga ko Perezida Paul Kagame amufata nk’umubyeyi ati “Ni umubyeyi wanjye kubera ko yahagaritse intambara, u Rwanda rukaba rufite amahoro ndetse agaha n’abana bose uburyo bwo kwiga.”

IGIHE tubajije Hakizimana icyo yasaba Perezida baramutse bamuhaye uburenganzira bwo kumuvugisha, ati “Namusaba kugabanya amafaranga atangwa umuntu agura ubwisungane mu kwivuza (Mutuelle de Sante).”

Uturere tubiri, Nyamasheke na Rusizi, dutuwe n’abaturage bagera ku 383,138 tukaba tuzwi cyane ku murimo w’ubuhinzi ndetse n’ubucuruzi. 32% by’igihingwa cy’Ikawa bituruka muri utu turere.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO