Kwamamaza

Perezida Kagame yasoje amasomo y’abasirikare bakuru 308

Yanditswe kuya 19-11-2012 saa 20:32' na Mathias Hitimana
     


Perezida wa Repuburika y’u Rwanda akaba n’Umugaba Mukuru w’Ikirenga w’Ingabo z’u Rwanda Paul Kagame, yasoje amahugurwa y’abasirikare bakuru 308 ku Ishuri rya Gisirikare ry’i Gako (Rwanda Military Academy) ku wa 19 Ugushyingo 2012.
Abasirikare barangije imyitozo ya gisirikare, bari bamaze umwaka wose bahabwa amasomo yo kuba barwanira igihugu, n’amasomo y’amateka y’u Rwanda, barangije ari 308, harimo ab’igitsina gore 27.
Abarangije Perezida Kagame yabahaye ipeti rya Second Lieutenant.
Perezida (...)

Perezida wa Repuburika y’u Rwanda akaba n’Umugaba Mukuru w’Ikirenga w’Ingabo z’u Rwanda Paul Kagame, yasoje amahugurwa y’abasirikare bakuru 308 ku Ishuri rya Gisirikare ry’i Gako (Rwanda Military Academy) ku wa 19 Ugushyingo 2012.

Abasirikare barangije imyitozo ya gisirikare, bari bamaze umwaka wose bahabwa amasomo yo kuba barwanira igihugu, n’amasomo y’amateka y’u Rwanda, barangije ari 308, harimo ab’igitsina gore 27.

Abarangije Perezida Kagame yabahaye ipeti rya Second Lieutenant.

Perezida Kagame yasabye abarangije ko bagomba kurangwa n’indangagaciro ziranga igisirikare cy’u Rwanda (RDF), harimo umuco n’ikinyabupfura.

Perezida Paul Kagame

Yabibukije ko amasomo bahawe, azafasha Umuryango Nyarwanda gukomeza inzira y’iterambere, badahugiye gusa mu by’umwuga wa gisirikare batojwe. Ati “ku rwego rw’ubuyobozi bagezeho ntabwo bagiye mu kazi k’umwuga gusa wa gisirikare, bakwiriye gushingira ku byo bize bubaka umuco w’igihugu cyacu, umuco wa politiki."

Ikindi kandi mu kazi k’umwuga batojwe, Perezida Kagame yiabibukije ko bitazagirira akamaro u Rwanda gusa, harimo no kubaka Umugabane wa Afurika, bishingiye ku muco, kamere n’amateka y’ingabo z’u Rwanda mu gihe bibaye ngombwa ko boherezwa kubungabunga amahoro hirya no hino ku isi. Ikindi kandi bagakomeza kuzagaragaza amasomo bize.

Ati “muzerekane ubwanyu ko muri urugero rwiza rw’abasirikare b’umwuga, n’abayobozi beza.”

Akarasisi k'abasirikare barangije ikosi

Mu gusoza hari n’abasirikare bakuru 8 baturuka mu bihugu byo mu Muryango w’Afurika y’Iburasirazuba (EAC), bigishirijwe mu ishuri ry’Igisirikare cy’u Rwanda i Gako.

Thomas Ritchie witwaye neza kurusha abandi ku ikosi ari kumwe na se Joe Ritchie
bambara ipeti rya Sous Lieutenant

Foto: Village Urugwiro

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved