Kwamamaza

Nyuma yo kumva ijambo yavuze, Mugesera yahakanye ibyaha ashinjwa

Yanditswe kuya 15-02-2013 saa 17:53' na Faustin Nkurunziza


Kuri uyu wa Gatanu tariki ya 15 Gashyantare 2013 ubwo Dr Mugesera Leon yongeraga kugera imbere y’urukiko mu rubanza akurikiranyweho ibyaha byo gushishikariza abandi gukora jenoside, yahakanye ibyaha bitanu ashinjwa nyuma yo kumvishwa inshuro ebyeri ijambo yavugiye ku Kabaya ari ryo rishingiyeho ibyaha bitanu ashinjwa, ndetse agaragaza ko ashidikanya ku waba yararifashe.
Urubanza rugitangira Urukiko rwabanje kumwumvisha ijambo yavugiye ku Kabaya tariki ya 22 Ugushyingo 1992, ariko asaba ko (...)

Kuri uyu wa Gatanu tariki ya 15 Gashyantare 2013 ubwo Dr Mugesera Leon yongeraga kugera imbere y’urukiko mu rubanza akurikiranyweho ibyaha byo gushishikariza abandi gukora jenoside, yahakanye ibyaha bitanu ashinjwa nyuma yo kumvishwa inshuro ebyeri ijambo yavugiye ku Kabaya ari ryo rishingiyeho ibyaha bitanu ashinjwa, ndetse agaragaza ko ashidikanya ku waba yararifashe.

Urubanza rugitangira Urukiko rwabanje kumwumvisha ijambo yavugiye ku Kabaya tariki ya 22 Ugushyingo 1992, ariko asaba ko yakongera kuryumvishwa kuko ngo hari ibyo atumvaga neza. Bongeye kurimusubirizamo, amaze kuryumva ahita ahakana ibyaha byose akurikiranyweho uko ari bitanu.

Mugesera yavuze ko atumva uwafashe iri jambo n’igihe yarifatiye, ndetse ko hari bimwe atibuka neza niba ari we wabivuze icyo gihe kuko ngo inararibonye mu kumva amajwi zo muri Canada zagaragaje ko ijwi rye ryasubiwemo. Aha ni ho yashingiye avuga ko n’ibikubiyemo bishobora kuba atari ukuri.

Yavuze ko igihe gishize ari kinini ku buryo hari ibyo atibuka neza niba koko ari we wabivuze, ati “ ‘memoire’ y’umuntu iribagirwa ntabwo nshobora kwibuka ibintu byabaye nyuma y’imyaka 20 yose ishize!”

Yemeye icyakora ko mitingi yabaye ku ya 22 Ugushyingo 1992 yayitabiriye koko, yongeraho ko atari we wari umushyitsi mukuru. Aha yavuze ko yasabwe kugira ijambo yageza ku baturage, gusa ngo kuko ntaho yari yaryanditse ntabwo azi neza ibyo yavuze icyo gihe.

Urukiko rwategetse ko urubanza rusubikwa rukazasubukurwa ku wa Kabiri tariki ya 19 Gashyantare 2013 saa mbiri n’igice.

Mugesera akurikiranyweho ibyaha byo gucura no gutegura Jenoside yakorewe Abatutsi mu Rwanda mu 1994, n’ibindi byaha byibasiye inyoko muntu, ubufatanyacyaha mu gutegura no gukora Jenoside, gushishikariza gukora icyaha cya jenoside, kwica no gutsemba imbaga no kubiba urwango hashingiye ku moko.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 30 August 2016
Copyright © 2009 -2014 - IGIHE Ltd - All Rights Reserved