Kwamamaza

Nyuma ya Cadillac inkongi y’umuriro yibasiye urusengero rwa ADEPR

Yanditswe kuya 27-11-2012 saa 09:12' na Olivier Muhirwa na Jotham Ntirenganya
     


Mu gihe hari hashize iminsi itageze no ku 10, inkongi y’umuriro yibasiye inzu y’urubyiniro ya Cadillac, kuri uyu wa Mbere inkongi y’umuriro yatwitse urusengero rwa ADEPR ruherereye ku Kinamba, mu Kagari ka Kamutwa, Umurenge wa Kacyiru mu Karere ka Gasabo, Umujyi wa Kigali.
Amakuru dukesha Kigali today avuga ko iyi nkongi yafashe uru rusengero ku gicamunsi cyo kuri uyu wa Mbere tariki ya 26 Ugushyingo 2012, yahereye mu gisenge hejuru ahakorera abapasiteri n’abandi bashinzwe imirimo muri urwo (...)

Mu gihe hari hashize iminsi itageze no ku 10, inkongi y’umuriro yibasiye inzu y’urubyiniro ya Cadillac, kuri uyu wa Mbere inkongi y’umuriro yatwitse urusengero rwa ADEPR ruherereye ku Kinamba, mu Kagari ka Kamutwa, Umurenge wa Kacyiru mu Karere ka Gasabo, Umujyi wa Kigali.

Amakuru dukesha Kigali today avuga ko iyi nkongi yafashe uru rusengero ku gicamunsi cyo kuri uyu wa Mbere tariki ya 26 Ugushyingo 2012, yahereye mu gisenge hejuru ahakorera abapasiteri n’abandi bashinzwe imirimo muri urwo rusengero.

Amakuru dukesha umwe mu bayobozi b’itorero, Murera Venuste yavuze ko umuriro wabanje kubura, nyuma uje ukajya waka ugenda wiyongeza unagabanyuka kugeza ubwo umwotsi watangiye gucumba mu biro hakurikiraho umuriro.

Umuyobozi wa Korali Jehovanisi, Uwimana Mediatrice yatangaje ko bimwe mu bicurangisho bitari gukora kuko umuriro wabisatiriye cyane.

Mu byangijwe n’iyi nkongi harimo intebe n’ibikoresho bya muzika abaririmbyi bakoreshaga, ahasengerwa na ho hari hamaze gufatwa ariko ku bufatanye bwa Polisi n’abaturage babasha guhosha iyi nkongi.

Ibirebana n’uko iyo nkongi y’umuriro yaba yatewe n’umuriro w’amashanyarazi EWSA ntirabyemeza.

Amakuru dukesha bamwe mu bayobozi b’urwo rusengero ni uko rutagira ubwishingizi.

Ubwo Cadillac yashyaga bamwe ntibatinye kuvuga ko ishya rya hato na hato ry’utubyiniro riterwa ngo n’ibihakorerwa bidahesha Imana icyubahiro, aha ariko umuntu akaba yakwibaza noneho niba bikorerwa no mu rusengero.

Ubwo urusengero rwashyaga/Foto:K2D
Ubwo Cadillac yashyaga/Foto:IGIHE
Ubwo Down Town na La Classe byashyaga

Inkuru bifitanye isano:

Inkongi y’umuriro yahinduye Cadillac umuyonga

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved