IGIHE.com > Amakuru > U Rwanda
MTN yongeye guhemba abandi banyamahirwe

MTN yongeye guhemba abandi banyamahirwe


Yanditswe kuya 22-08-2012 - Saa 11:15' na Jotham Ntirenganya

MTN yatanze amagare na mudasobwa, ndetse na matola n’ibindi bikoresho bitandukanye ku banyamahirwe batsinze umukino wa Sharama muri iki cyumweru.

Abatsindiye ibyo bihembo babifatiye mu Murenge wa Remera hafi ya Gare kuri uyu wa Gatatu tariki ya 22 Kanama 2012, aho MTN ikorera. Buri wese mu batsinze umukino wa Sharama yahabwaga ibyo yagenewe.

Bimwe mu bihembo byatanzwe, byiganjemo mudasobwa, telefoni 21 zo mu bwoko butandukanye, moto 2, amagare 4 ndetse na matola 4. Hari n’abandi bantu 10 bahawe amafaranga mu buryo bwa “Mobile money” ahwanye n’ibihumbi 50 buri muntu.

Uwimana Alice yatomboye mudasobwa yavuze ko agiye gukomeza kurushanwa n’abandi bakinnyi, kugirango arebe ko ariwe wazakukana imodoka itegereje undi munyamahirwe mu cyumweru gitaha. Usibye mudasobwa Uwimana yahawe, bongeyeho “modem” na internet y’ukwezi ndetse na SIM card iriho amafaranga ibihumbi makumyabiri.

Ufitamahoro Ernest ukora umwuga w’ubucuruzi mu Murenge wa Kimisagara, yatomoye moto kimwe n’undi mugabo bita Mwenedata Jean Nepo. Bahise bahabwa n’ibyangombwa byazo kandi bahita bazicaraho bataha biyemeje gukomeza guhatanira imodoka izahabwa umunyamahirwe mu cyumweru gitaha.

Amaze gutombora igare, Uwimana Vénéranda wo mu Karere ka Nyarugenge yagaragaje ibinezaneza, maze avuga ko yiyemeje gukoresha amafaranga aruta ayo yakoresheje kugirango azabone imodoka ya Sharama. Uwimana yongeyeho ati “Burya gutsindira imodoka birashoboka”.

Undi mu bari baje kureba uko ibihembo bitangwa, umunyamakuru wa IGIHE yumvise avuga ati “Burya bya bintu ni ukuri abantu barahatana bagatsinda”.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO