Kwamamaza

Kayumba Nyamwasa yeretse urukiko Umunyatanzaniya wamurashe

Yanditswe kuya 22-06-2012 saa 12:20' na NTWALI John Williams
     


Nyuma y’imyaka ibiri Kayumba arashwe, urubanza rwe rurakomeje mu gihugu cya Afurika y’Epfo mu mujyi wa Johannesburg. Igishya cyaraye kibayeho ni uko Kayumba Nyamwasa yagaragarije urukiko umuntu wamurasiye mu modoka ye.
Kugeza ubu abantu batandatu nibo bashinjwa kugira uruhare mu mugambi n’igikorwa cyo kurasa Kayumba Nyamwasa. Nyuma y’igihe kirekire abaregwa batanga ubuhamya bubashinjura, Kayumba nawe yarahamagawe ngo atange ubuhamya bushinja. Yatangiye gutanga ubuhamya kuwa gatatu, (...)

Nyuma y’imyaka ibiri Kayumba arashwe, urubanza rwe rurakomeje mu gihugu cya Afurika y’Epfo mu mujyi wa Johannesburg. Igishya cyaraye kibayeho ni uko Kayumba Nyamwasa yagaragarije urukiko umuntu wamurasiye mu modoka ye.

Kugeza ubu abantu batandatu nibo bashinjwa kugira uruhare mu mugambi n’igikorwa cyo kurasa Kayumba Nyamwasa. Nyuma y’igihe kirekire abaregwa batanga ubuhamya bubashinjura, Kayumba nawe yarahamagawe ngo atange ubuhamya bushinja. Yatangiye gutanga ubuhamya kuwa gatatu, abusubukura ejo hashize kuwa kane.

Uburyo yatanzemo ubuhamya bwari bumeze nko kuba inkuru, akanyuzamo agakora n’ibyatangazaga urukiko n’abakurikiranye urubanza, nk’aho yavuze uwamurashe, kugira ngo batamwitiranya akanamwegera akamukora ku ntugu nk’umuramutsa.

Nk’uko tubikesha BBC, ubwo umucamanza yabazaga Nyamwasa uko byamugendekeye araswa, yavuze ko akibuka neza isura y’uwamurashe, kuko yamwiboneye neza mbere y’uko amurasa isasu avuga ko ryamumennye urubavu, na n’ubu abaganga bakaba batarabasha kurikuramo.

Uwo Kayumba yagaragaje ko ari we wamurashe ni Umunyatanzaniya uzwi ku mazina Emedi Dinengo. Asubiza ikibazo cy’abacamanza cy’ukuntu yaba amwibuka kandi kuraswa byarakozwe mu buryo butunguranye, Faustin Kayumba Nyamwasa yavuze ko yamwitegereje neza mbere y’uko amurasa, kuko yabanje gufungura idirishya yitonze akanyuza ukuboko uruhande rw’umushoferi we. Uwamurashe kandi ngo yari yabanje guhagarika imodoka avuga ati “Muvandimwe, ngoboka – Brother, help me” Kayumba yashimangiye ko amwibuka neza atamwibeshyaho, kuko ngo n’iyo afunze amaso, ifoto ye imugaruka mu bitekerezo.

Urubanza ruracyakomeje, ruzasubukurwa Urukiko rukomeza gutega amatwi ubuhamya burebure bwa Kayumba Nyamwasa, mbere y’uko rufata imyanzuro ku iburanisha ryabayeho.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved