Kwamamaza

Kamonyi: Ukekwaho ubujura yarashwe n’abashinzwe umutekano

Yanditswe kuya 1-08-2012 saa 12:52' na Ndahiriwe Innocent


Ntawugashira Khamis alias Muzehe uri mu kigero cy’imyaka 25 yishwe arashwe n’itsinda ry’abacungaga umutekano mu Murenge wa Runda, Umudugudu wa Nyagaca mu Karere ka Kamonyi mu rukerera rwo kuri uyu wa Gatatu tariki ya 1 Kanama 2012.
Nk’uko bitangazwa n’umuyobozi w’uwo mudugudu Rwandenzi Epimaque, uyu musore ngo yakekwagaho ubujura aho yari acumbikiwe na mugenzi we uzwi ku izina rya Matwi.
Akomeza avuga ko uyu Nyakwigendera yavugaga ko akora mu kigo kirinda umutekano i Kigali, maze ngo baterwa (...)

Ntawugashira Khamis alias Muzehe uri mu kigero cy’imyaka 25 yishwe arashwe n’itsinda ry’abacungaga umutekano mu Murenge wa Runda, Umudugudu wa Nyagaca mu Karere ka Kamonyi mu rukerera rwo kuri uyu wa Gatatu tariki ya 1 Kanama 2012.

Nk’uko bitangazwa n’umuyobozi w’uwo mudugudu Rwandenzi Epimaque, uyu musore ngo yakekwagaho ubujura aho yari acumbikiwe na mugenzi we uzwi ku izina rya Matwi.

Akomeza avuga ko uyu Nyakwigendera yavugaga ko akora mu kigo kirinda umutekano i Kigali, maze ngo baterwa amakenga no kubona umuntu uhora ataha n’ipikipiki bagereranyije n’umushahara we avuga bagakeka ko abeshya. Niko gutangira kumukorera ubugenzuzi ndetse banabibwira inzego z’umutekano.

Mu rwego rwo gushaka ku muta muri yombi, abakora irondo bakoreye aho ataha maze atashye mu masaa kumi z’ijoro (4 AM) asanga bamwiteguye niko gushaka kubarwanya.

Ibikoresho bitandukanye byafatanywe Khamis

Umuvugizi wa Polisi, Supt. Theos Badege yavuze ko nta gahunda yo kwica uyu musore yari ihari ahubwo ngo bashakaga kumufata gusa, bityo ubwo yageraga aho acumbika yahasanze abacunga umutekano maze bamusabye guhagarara ntiyabyemera agerageza kwiruka.

Ubwo Khamis yabonye asatiriwe yabanguye umuhoro we ashaka gutema umwegera niko kwitabaza imbunda baramurasa.

Badege avuga ko iki gikorwa bakizeho bitewe n’ubufatanye bwo guhanahana amakuru hagati y’inzego z’umutekano n’abaturage, cyane ko uyu musore ngo yari asanzwe ari ku rutonde ry’abakekwaho ubujura mu mujyi wa Kigali.

Yongeraho ko bafite amakuru y’abajura biba i Kigali bakaza guhisha ibyo bibye mu nkengero z’umujyi.

Mu bikoresho bamusanganye harimo mudasobwa zigendanywa ebyiri, imfunguzo zitandukanye, ibikoresho bikata ibyuma n’umuhoro.

Badege agira inama Abanyarwanda ko bagurira ibikoresho mu maduka azwi kugira ngo birinde kuba bagura n’abajura, dore ko ngo iyo ufatanywe ibyibwe ubisubiza nta yandi mananiza.

Hakizimana Emmanuel wari ucumbikiye Nyakwigendera ngo yakodeshaga icyarimwe inzu ebyiri mu kagari kamwe, nawe kugeza ubu yatorotse ubuyobozi bw’inzego z’ibanze na Polisi akaba ataramenyerwa irengero.

Umuvugizi wa Polisi avuga ko ubu umurambo wajyanywe ku bitaro bya Polisi ku Kacyiru mu rwego rwo gutangira iperereza.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 26 Ukwakira 2016
Copyright © 2009 -2014 - IGIHE Ltd - All Rights Reserved