IGIHE.com > Amakuru > U Rwanda
Izina ry’umwana wa Mugesera ryateje impaka mu rukiko

Izina ry’umwana wa Mugesera ryateje impaka mu rukiko


Yanditswe kuya 2-04-2013 - Saa 13:19' na Faustin Nkurunziza

Imbere y’urukiko Dr Léon Mugesera yavuze ko yababajwe n’ijambo ryakoreshejwe n’ubushinjacyaha ku ya 01 Mata 2013, ryongera kugarukwaho na none ko mu kugaragaza urwango yari afitiye Abatutsi yise umwana we “Rutemabatutsi”.

Mugesera yavuze ko umwana we yitwa “Rutema” kongeraho rutema abatutsi ngo si ukuri, kuko Rutema bikomoka ku gisekuruza cye cya 18 kandi cy’ibwami bitaga amazina ya Rutema. Yagize ati “Ibi biranshengura umutima cyane ni ugukomeretsa umuryango wajye.”

Ubushinjacyaha bwavuze ko iryo zina barikuye mu bitekerezo by’abaturage ku rubuga rwa IGIHE, buvuga ko butabihamya neza ko uwo mwana yitwa ayo mazina, cyakora busaba ko hazabaho ubugenzuzi burambuye mu kumenya niba koko uwo mwana yaritwaga Rutemabatutsi ndetse n’isano byaba bifitanye n’urwango yagiriraga Abatutsi kuva na kera.

Urukiko rwasabye ababurana kujya bakoresha ibimenyetso bizifashishwa mu gihe runaka, byaba bitazakenerwa mu rukiko bakirinda kubivuga no kuba bakoresha amagambo asesereza.

Mugesera yakomeje yiregura asaba ko hashyirwaho umuntu wo kwandika inyandiko mu buryo buhinnye bakunze kwita mu rurimi rw’igifaransa (stenography), ngo kuko hari ibikunze kutandikwa n’abashinzwe kwandika ibivugirwa mu rukiko byose.

Urukiko rwemeje ko ibyifuzo bya Mugesera byo gukoresha ibimenyetso bya Ruzibiza bya kwemerwa mu rukiko ndetse no kuzagira umwanya uhagije wo gutanga ibisobanuro ku ijambo yavugiye ku kabaya mu 1992.

Urukiko rwanze ibyifuzo rw’ubushinjacyaha ko haba hari impungenge mu kuba Mugesera yakwifashisha inyandiko za Ruzibiza, kandi yaraje kwivuguruza nyuma ku byo yavuze bisebya igihugu cy’u Rwanda. Hemejwe ko izo nyandiko zatangwa nk’ibimenyetso bizifashishwa mu gihe bikenewe.

Urukiko rwafashe umwanzuro w’uko urubanza rwa Mugesera rukomeza

Urukiko rwafashe umwanzuro w’uko urubanza rwa Mugesera rukomeza hatabanje gusuzumwa niba ibimenyetso ubushinjacyaha bwatanze bifite inenge nk’uko byari byifujwe n’ubushinjacyaha.

Rwafashe umwanzuro ko ibimenyetso byose bikomeza gukoreshwa hakazasuzuma agaciro kabyo mu mikirize y’urubanza. Urukiko rwagize ruti “Guhagarika iburanisha ni umwanzuro wagira ingaruka ku rubanza rwose.”

Urukiko rusanga ubushinjacyaha budakwiye kugira impungenge z’uko Mugesera atemera ijambo yavugiye ku Kabaya, kuko butanga ibimenyetso bimushinja na we agatanga ibimushinjura, nyuma yaho urukiko rukazabisuzuma ibivugwa n’impande zombi.

Ubutumwa bwoherejwe n’umusomyi

http://igihe.com/amakuru/mu-rwanda/umwunganizi-wa-mugesera-yakuyemo-ake-karenge.html

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO