Ingabo z’u Rwanda ziri i Darfur zubakiye abaturage amashuri

Yanditswe na Mathias Hitimana
Kuya 10 Mutarama 2013 saa 11:42
Yasuwe :
0 0

Ingabo z’u Rwanda ziri mu butumwa bw’amahoro muri Sudan mu Ntara ya Darfur zashyikirije abaturage b’ahitwa Zalingei ishuri zubatse hamwe n’ibikoresho bazifashisha mu gutanga uburezi.
Ibyo bikorwa byakozwe n’ingabo z’u Rwanda byatewe inkunga n’ingabo za Loni zibungabunga amahoro muri Sudan (UNAMID).
Ingabo z’u Rwanda zubatse ibyumba bine by’amashuri n’ibyumba bine by’ubwiherero by’ishuri ribanza riri mu nkambi ya El Salam.
Usibye ishuri ryatanzwe, ubuyobozi bwaryo bwashyikirijwe ibikoresho by’ishuri (...)

Ingabo z’u Rwanda ziri mu butumwa bw’amahoro muri Sudan mu Ntara ya Darfur zashyikirije abaturage b’ahitwa Zalingei ishuri zubatse hamwe n’ibikoresho bazifashisha mu gutanga uburezi.

Ibyo bikorwa byakozwe n’ingabo z’u Rwanda byatewe inkunga n’ingabo za Loni zibungabunga amahoro muri Sudan (UNAMID).

Ingabo z’u Rwanda zubatse ibyumba bine by’amashuri n’ibyumba bine by’ubwiherero by’ishuri ribanza riri mu nkambi ya El Salam.

Usibye ishuri ryatanzwe, ubuyobozi bwaryo bwashyikirijwe ibikoresho by’ishuri ribanza ryo mu nkambi ya El Salam, bigizwe n’utubati, ameza, intebe z’abanyeshuri n’abarimu, amakaye, ibitabo, ingwa n’amakaramu.

Ingabo z'u Rwanda zibungabunga amahoro muri Sudan zitanga ibikoresho by'ishuri
Ubwiherero bwubatswe

Ingabo z’u Rwanda kandi zanamuritse urukuta rwa 80mx79m ruzengutse ishuli ry’amashuri y’isumbuye ryitwa "El Zahra secondary school" zubatse.

Urukuta rwa 80mx79m ingabo z'u Rwanda zubatse

Nk’uko ingabo z’u Rwanda ziri i Darfur zibitangaza, Lt Col Christophe Rutaremara yerekanye ibikorwa byakozwe n’ingabo z’u Rwanda, yatangaje ko ingabo z’u Rwanda zagize ubwitange bwo kubaka ayo mashuri, byiyongera ku kazi bashinzwe ko kubungabunga amahoro.

Ati “Mu shingano nyishi twari dufite twongeyeho no kwita kuburezi muri zone dukoreramo.”

Ubuyobozi bw’Intara ya Darfur bwahagarariye Minisiteri y’uburezi y’icyo gihugu, hamwe n’abakuru ba UNAMID bashimiye ingabo z’u Rwanda zashyize mu bikorwa imishinga yari iteganyijwe gukorwa, yo kubaka ibyumba by’amashuri, ubwiherero n’urukuta ruzengurutse ishuri rikuru rya El Zahra.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza