IGIHE.com > Amakuru > U Rwanda
Ingabo z’u Rwanda zari mu butumwa i Juba zasimbuwe

Ingabo z’u Rwanda zari mu butumwa i Juba zasimbuwe


Yanditswe kuya 15-02-2013 - Saa 14:07' na Olivier Rubibi

Mu gitondo cyo kuri uyu wa gatanu tariki ya 15 Gashyantare 2013, ingabo z’u Rwanda 850 zari mu gikorwa cyo kubungabunga amahoro muri Sudani y’Amajyepfo zatangiye gusimburwa.

Ingabo zashoje ubutumwa bwazo i Juba zigeze i Kigali

Aba basirikare bari bamaze amezi icyenda muri ubu butumwa ni abo muri batayo ya gatatu, bakaba basimbuwe n’abo muri batayo ya 47.

Ingabo zashoje ubutumwa bwazo i Juba

Mu ma saa cyenda zo mu rucyerera abasirikare 146 ba mbere baturutse i Juba ni bwo basesekaye ku kibuga cy’indege mpuzamahanga cya Kanombe, babisikana na bagenzi babo 147 bo muri batayo ya 47 bagiye gukomereza aho bagenzi babo bari bagejeje .

Aba bagiye gukomereza aho bagenzi babo bari bagejeje

Saa yine z’amanywa abasirikare 292 bari bamaze kugera mu Rwanda baturutse mu butumwa bw’amahoro muri Sudani y’Amajyepfo abandi 146 bageze i Juba, mu gihe abandi 146 na bo bari bamaze gufata ikirere berekeje muri Sudani y’Amajyepfo.

Umugaba w’ingabo zirwanira ku butaka Major Gen Frank Mushyo Kamanzi, ubwo yasezeraga kuri aba basirikare yabasabye kujya gusohoza neza ubutumwa bagiyemo, ati “ Bagenzi banyu bashohoje neza ubutumwa bari baragiyemo. Mugende mutere ikirenge mu cyabo, u Rwanda rukomeze rube ku isonga mu kugarura amahoro muri Afurika no ku isi muri rusange.”

Maj Gen Kamanzi yakira ingabo zivuye i Juba

Major Gen Kamanzi yasabye abasirikare bagiye mu butumwa bw’amahoro muri Sudani y’Amajyepfo gukomeza kugira ikinyabupfura mu byo bakora, no kwihatira gufasha abaturage basanze.

Ingabo z’u Rwanda zivuye muri Sudani y’Amajyepfo ari naho bagenzi babo bagiye gukomereza zabaga mu duce twa Yambiyo,Toritti, Tambura na Juba.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO