Kwamamaza

Ingabire avuga ko yarenganye; ubushinjacyaha bwo bukamusabira kongererwa igihano

Yanditswe kuya 25-03-2013 saa 16:55' na James Habimana
     


Nyuma y’aho Ingabire Victoire Umuhoza akatiwe imyaka umunani y’igifungo akavuga ko arenganye, Ubushinjacyaha bwo bukajurira buvuga ko gikwiye kongerwa, impande zombi zaburanye mu Rukiko rw’Ikirenga kuri uyu wa 26 Werurwe 2013.
Ubushinjacyaha bwajuriye buvuga ko Urukiko Rukuru rwakatiye Ingabire imyaka umunani y’igifungo, rutahaye agaciro icyemezo cyo kudaha agaciro ikirego byo kurema umutwe w’iterabwoba.
ubushinjacyaha bukomeza kwikoma ibihano byahawe Ingabire bijyanye n’igifungo cy’imyaka (...)

Nyuma y’aho Ingabire Victoire Umuhoza akatiwe imyaka umunani y’igifungo akavuga ko arenganye, Ubushinjacyaha bwo bukajurira buvuga ko gikwiye kongerwa, impande zombi zaburanye mu Rukiko rw’Ikirenga kuri uyu wa 26 Werurwe 2013.

Ubushinjacyaha bwajuriye buvuga ko Urukiko Rukuru rwakatiye Ingabire imyaka umunani y’igifungo, rutahaye agaciro icyemezo cyo kudaha agaciro ikirego byo kurema umutwe w’iterabwoba.

ubushinjacyaha bukomeza kwikoma ibihano byahawe Ingabire bijyanye n’igifungo cy’imyaka umunani.

Ingabire Victoire Umuhoza yongeye kugaragara mu rukiko ari kumwe n’abasirikare bashinjwana, Habiyaremye Noel, Vital Uwumuremyi, Nditurende Tharcisse, na Kaluta Jean Marie Vianny.

Ingabire victoire yasobanuye ko igifungo cy’imyaka 8 yahawe n’Urukiko Rukuru cyateshwa agaciro, kuko ngo itegeko rihana ibyaha bya Jenoside asanga ridasobanutse neza, akanemeza ko bimwe mu bimenyetso yatanze urukiko rutigeze rubyitaho, ahubwo ibyo ubushinjacyaha bumurega aribyo byubahirizwa.

Nubwo Ingabire Victoire Umuhoza avuga ko imyaka umunani yavanwaho, Ubushinjacyaha bwo bwarajuririye icyo cyemezo, busaba ko yakongerwa.

Ubushinjacyaha burega Ingabire ko Urukiko rukuru rutigeze ruha agaciro, kirimo icyo kurema umutwe w’ingabo, kuzitera inkunga no kuzijyamo, bityo bukavuga ko bwibaza impamvu icyo cyaha cyateshejwe agaciro kandi ingingo y’163 y’amategeko ahana y’u Rwanda abiteganya.

Alain Mukuralinda, umwe mu bashinjacyaha mu rubanza rwa Ingabire, yatangaje ko Ingabire Victoire, yagiye ahura n’abasirikare bareganwa nawe mu bihe bitandukanye.

Mukuralinda yatanze urugero rw’aho ngo Ingabire yahuye na Captain Karuta i Kinshasa mu bihe bitandukanye; Ingabire akamubaza ikibura ngo umugambi wo kugaba ibitero ku Rwanda wuzure, Karuta amusubiza ko hasigaye ibikoresho by’itumanaho n’imiti. Ibyo bituma ubushinjacyaha bubishingiraho buvuga ko iyo abo bantu bataza gutabwa muri yombi, baba barateje umutekano muke igihugu.

Ibyo ubushinjacyaha bukomeza buvuga ko Urukiko rukuru rwemeje ko ntacyo abo bantu bari kugeraho, ariko ubushinjacyaha bwo bukavuga ko hatari hakwiye gutegereza ko harebwa ikizakorwa, kuko ibi bigaragaza ko icyaha cyari kuba, ko nta bindi bimenyetso byari bikenewe.

Ubushinjacyaha bwanavuze ko hari ubutumwa bwinshi bwagaragajwe ko Ingabire yakoranaga n’aba basirikare ndetse na Paul Rusesabagina, aho ngo yabahaga amafaranga, Ubushinjacyaha bukavuga ko batumva impamvu bagabanyirije Ingabire ibihano mu gihe we nta mbabazi yabasabye.

Me Ian Eduard wunganira Ingabire, yatangaje ko akomeje kwizera ko umukiriya we azagirwa umwere, kuko ngo ibyo ashinjwa we ahamya ko ari ibihimbano.

Bimwe mu byaha Ingabire Victoire w’imyaka 45 aregwa, birimo kubiba ingengabitekerezo ya Jenoside, ubufatanyacyaha n’iterabwoba, gukurura amacakubiri, kwamamaza nkana ibihuha byangisha abaturage ubutegetsi, kurema umutwe w’ingabo no kugirira nabi ubutegetsi.

Urukiko rwategetse ko urubanza rusubikwa, rukazakomeza ku itariki ya 16 Mata 2013 hakomeza kumvwa impande zombi.

Ingabire Victoire Umuhoza mu rukiko
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved