IGIHE.com > Amakuru > U Rwanda
INATEK yatanze impamyabumenyi ku banyeshuri 922

INATEK yatanze impamyabumenyi ku banyeshuri 922


Yanditswe kuya 13-07-2012 - Saa 09:00' na Olivier Muhirwa

Kuri uyu wa Kane tariki ya 12 Nyakanga 2012 nibwo Ishuri Rikuru ry’Ubuhinzi, Ikoranabuhanga n’Ubumenyi rya Kibungo INATEK ryatanze impamyabumenyi ku nshuro yaryyo ya gatatu, aho abanyeshuri bagera kuri 922 aribo bahawe impamyabumenyi.

Muri abo banyeshuri bahawe impamya bumenyi, abagera kuri 50.8% ni ab’igitsina gore mu gihe 49.2% bo ni ab’igitsina gabo. Umuhango wo gutanga izi mpamyabumenyi ku mugaragaro bereye ku kicaro gikuru cy’iri Shuri riherereye mu Karere ka Ngoma mu Ntara w’Iburasirazuba, wari uyobowe na Minisitiri w’Uburezi Dr Biruta Vincent wemeje ko koko aba banyeshuri bose bahawe impamyabumenyi z’ikiciro cya kabiri cya kaminuza.

Mu ijambo rye Padiri Dr Karekezi Dominique Umuyobozi wa INATEK yagaragaje ibyo iryo Shuri rimaze kugeraho, imbogamizi bahura nazo ndetse n’ibyo bateganya gukora mu gihe kiri imbere birimo kuzana icyiciro cya gatatu cya kaminuza.

Padiri Karekezi yasabye abarangije kuba urumuri rw’Abanyarwanda babikesha ubumenyi n’ubupfura, ngo kuko ari izindi mbaraga igihugu cyungutse. Avuga ku ireme ry’uburezi Umuyobozi wa INATEK yavuze ko bo nka INATEK icyo kibazo kitahagaragara cyane, kuko abahiga n’ubundi usanga barize mu bihe byashize kuko ireme ry’uburezi ngo ribanziriza mu mashuri abanza ndetse n’ayisumbuye byaba bidakozwe hakaba hononekaye byinshi.

Guverineri w’Intara y’Iburasirazoba Uwamariya Odette we yagarutse ku kamaro INATEK yagize mu iterambere ry’Intara ayobora mu rweogo rwo gufasha mu kuzamura umusaruro w’ibikomoka ku buhinzi ndetse no mu rwego rw’uburezi, doreko abanyeshuri baharangije abenshi bagiye gukora mu nzego zitandukanye muri iyo ntara.

Uwavuze mu izina ry’Abarangije yavuzeko ubumenyi bigiye muri INATEK buzabafasha muri byinshi harimo no guhanga umurimo, ndetse no guhangana ku isomo ry’umurimo.

Aba banyeshuri ariko basabye Minisiteri y’Uburezi kwihutisha gahunda yo gufasha abanyeshuri bo mu mashuri makuru yigenga kubijyanye n’amikoro, maze bagahabwa inguzanyo bazishyura barangije kwiga. Basabye kandi INATEK gushyiraho ikiciro cya gatatu cya kaminuza, maze kwihutira gushaka dipolome hanze y’u Rwanda bigacika.

Dr Biruta Vincent Minisitiri w’Uburezi we yavuze ko abasohotse bakenewe ku isomo ry’umurimo mu gukemura ikibazocy’abakozi ku isoko ry’umurimo mu Rwanda, ndetse no mukarere. Ikindi ni uko yavuze ko kwiga ibyo umuntu ashoboye iyo ushyizeho umwete byose bishoboka, kandi asaba kudakora ibyoroshye gusa ahubwo n’ibivunanye ariko bifite akamaro, maze umunyeshuri akitabira ishami bigaragara ko abarirangije bakenewe ku isko ry’umurimo, kandi bitanga n’amahirwe yo kwihangira umurimo.

Minisiteri y’Uburezi yasabye amashuri makuru na za kaminuza kuvugurura inyigisho no gukoresha ikoranabuhanga rigezweho, ariko Leta nayo izabibafashamo.

Biruta yagarutse ku kuzamura ireme ry’uburezi bizanatuma abayamahanga baza kwiga mu Rwanda, maze asaba buri wese akaba akwiye kwisuzuma mu kongera ireme ry’uburezi ndetse kandi hakanakorwa ubushakashatsi.

INATEK (Institute of Agriculture, Technology and Education of Kibungo) ni Ishuri Rikuru riherereye mu Karere ka Ngoma mu Ntara y’Iburasirazuba, ryatangiye ku itariki ya 15 Gashyantare 2003 icyo gihe ryari rifite abanyeshuri 355 gusa.

Iri shuri ritangira ryari rifite intego yo kwigisha Abanyarwanda Ubuhinzi n’ubworozi bugezweho no kurwanya ubukene, binyuze mu nyigisho n’ubushakashatsi. Iri shuri ryaje kwemerwa ku itariki ya 16 Kamene 2010 ,kandi kugeza ubu rifite abanyeshuri 3, 718.

INATEK ifite amashami abiri iry’uburezi n’iry’iterambere ry’icyaro ariko muri ayo mashami hagiye harimo utundi dushami tuyashamikiyeho. Iri shuri rifite abanyeshuri biga ku manywa, abiga nijoro n’abiga mu mpera z’icyumweru.

Foto:Olivier Muhirwa

Kanda hano urebe uko byari byifashe mu mafoto

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO