Kwamamaza

Ibihugu bimwe byarumye gihwa mu gutanga abakekwaho Jenoside

Yanditswe kuya 10-04-2013 saa 13:08' na Gisa Fausta
     


Nyuma y’imyaka 19 ishize mu Rwanda inzirakarengane zirenga miliyoni zihitanywe muri Jenoside yakorewe Abatutsi, abakekwaho kuba barayigizemo uruhare barakidegembya hirya no hino ku si.
Siboyintore Jean Bosco, ukuriye urwego rushinzwe gukurikirana abagize uruhare muri Jenoside bihishe mu mahanga, yatangarije IGIHE ko ibihugu byo ku mugabane w’Afurika ari byo biza ku isonga mu kudaha agaciro impapuro zashyiriweho bamwe mu bo bicumbikiye.
Yagize ati “Ibihugu byo muri Afurika ni byo tubona (...)

Nyuma y’imyaka 19 ishize mu Rwanda inzirakarengane zirenga miliyoni zihitanywe muri Jenoside yakorewe Abatutsi, abakekwaho kuba barayigizemo uruhare barakidegembya hirya no hino ku si.

Siboyintore Jean Bosco, ukuriye urwego rushinzwe gukurikirana abagize uruhare muri Jenoside bihishe mu mahanga, yatangarije IGIHE ko ibihugu byo ku mugabane w’Afurika ari byo biza ku isonga mu kudaha agaciro impapuro zashyiriweho bamwe mu bo bicumbikiye.

Yagize ati “Ibihugu byo muri Afurika ni byo tubona biseta ibirenge kuko bitajya binasubiza cyangwa ngo bitubwire ngo twakoze ibishoboka byose mu gukurikirana abantu mwatubwiye”.

Akomeza avuga ko ku rwego rw’igihugu nk’ubushinjacyaha hari gahunda yo kuganira n’ibyo bihugu, bikuzuza inshingano zo kubatanga, ati “Ni inshingano mpuzamahanga z’ibyo bihugu bibafite si imbabazi byaba bigiriye u Rwanda”.

Nubwo Siboyintore atagiye agaragaza imibare yabari muri buri gihugu, atangaza ko muri Afurika abakekwaho kugira uruhare muri Jenoside biganje muri Repubulika Iharanira Demokarasi ya Congo, Congo Brazaville, Zambia, Zimbabwe, Malawi, Mozambique, Kenya; Mu Burayi ho biganje mu Bufaransa, u Bubiligi, n’u Budage.

Siboyintore ariko ashima bimwe mu bihugu byagiye bifata abakekwaho Jenoside, bikabacira imanza, cyangwa bikaboherereza Urukikiko Mpuzamahanga Mpanabyaha rwashyiriweho u Rwanda i Arusha , ndetse hakaba hari n’abohererejwe ubutabera bw’u Rwanda.

Nubwo ariko batari bafatwa aho bihishe hose, mu mategeko ahana, icyaha cya Jenoside ni icyaha kidasaza.

Siboyintore Jean Bosco, ushinzwe gukurikirana abashinjwa Jenoside bihishe mu mahanga
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved