Goma: Nta muntu ucaracara, Guhunga birakomeje

Yanditswe na
Kuya 18 Ugushyingo 2012 saa 03:02
Yasuwe :
0 0

Mu gihe intambara ingabo za Repubulika Iharanira Demokarasi ya Congo zirwanamo n’umutwe wa M23 ikomeje isatira Goma, Abanyarwanda bari muri iki gihugu umutekano wabo waba ubangamiwe n’abanyekongo.
Mu mujyi wa Goma nta muntu ucaracara. Abantu bamwe bakomeje kuwuvamo berekeza i Rubavu mu Rwanda. Abanyarwanda bari bari muri iki gihugu n’abakora imirimo ituma bacyinjiramo na bo uyu munsi bari mu Rwanda, bakaba bavuga ko hari n’Abanyarwanda bashobora kuba bahohotewe muri Congo.
Habineza Jean (...)

Mu gihe intambara ingabo za Repubulika Iharanira Demokarasi ya Congo zirwanamo n’umutwe wa M23 ikomeje isatira Goma, Abanyarwanda bari muri iki gihugu umutekano wabo waba ubangamiwe n’abanyekongo.

Mu mujyi wa Goma nta muntu ucaracara. Abantu bamwe bakomeje kuwuvamo berekeza i Rubavu mu Rwanda. Abanyarwanda bari bari muri iki gihugu n’abakora imirimo ituma bacyinjiramo na bo uyu munsi bari mu Rwanda, bakaba bavuga ko hari n’Abanyarwanda bashobora kuba bahohotewe muri Congo.

Habineza Jean Damascene, ni umunyarwanda ukora akazi ko kwambutsa ibintu umupaka w’u Rwanda na Congo. Avuga ko kuri iki cyumweru yageze muri Congo, icyakora ngo uko amasaha yagendaga akura ni ko urujya n’uruza rwagendaga rugabanuka hagati y’ibihugu byombi.

Tuvugana ku isaha ya saa munani irengaho iminota, yatubwiye ati "Ubu nari ndi muri Congo ariko mvuyeyo kubera ubwoba; amaduka arafunze, no kubona umuntu ntibyoroshye. Abanyarwanda benshi baje mu Rwanda, ariko hari abo twumvise ko bagiriwe nabi aho bita i Gatindo." Yakomeje atubwira ko abavugwaho kugirirwa nabi baba babikorewe n’abapolisi ba Congo.

Mu masaha ya mu gitondo kuri iki cyumweru humvikanaga urusaku rw’amasasu muri Congo, ariko ubwo twavuganaga n’umunyamakuru wacu mu ma saa munani yatubwiye ko nta masasu yari acyumvikana.

Umunyamakuru wacu yakomeje atubwira ko ingabo za M23 ziri hafi cyane y’Umujyi wa Goma mu bilometero biri munsi ya bitanu. Avuga ko ubu hari ituze ku mpande zombi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza